Lucas 16:22

Ang Biblia 2011

Unya ang tawong kabos namatay ug gidala sa mga anghel ngadto sa sabakan ni Abraham. Unya ang tawong dato namatay usab ug gilubong.

Cross References

Job 21:13

Nagpalabay sila sa ilang mga adlaw diha sa kauswagan, ug diha sa kalinaw mangadto sila sa Sheol.

Mga Panultihon 14:32

Ang daotan mapukan tungod sa iyang buhat nga daotan, apan ang matarong makakita ug dalangpanan pinaagi sa iyang kaligdong.

Ecclesiastes 8:10

Unya nakita nako ang mga daotan nga gilubong; sila kaniadto mosulod ug mogawas sa dapit nga balaan, ug gidayeg didto sa siyudad diin nila gihimo ang maong mga butang. Kini kakawangan usab.

Isaias 14:18

Ang tanang mga hari sa kanasoran nanghigda diha sa himaya, ang matag usa diha sa iyang lubnganan;

Isaias 22:16

Unsay gibuhat nimo dinhi ug kinsay ania dinhi kanimo, nga ikaw naghikay man dinhi ug usa ka lubnganan, naghikay ug usa ka lubnganan sa ibabaw, ug nagkalot ug usa ka puluy-anan alang sa imong kaugalingon diha sa bato?

Mateo 18:10

“Matngoni ninyo nga walay usa niining mga gagmay nga inyong tamayon kay sultihan ko kamo nga didto sa kalangitan ang ilang mga anghel kanunayng nagsud-ong sa nawong sa akong Amahan nga anaa sa langit.

Mateo 24:31

Ug ipadala niya ang iyang mga anghel uban sa kusog nga tingog sa trumpeta ug ilang tigomon ang iyang mga pinili gikan sa upat ka suok sa kalibotan, gikan sa usa ka tumoy sa langit ngadto sa pikas.

Mateo 8:11

Ug sultihan ko kamo nga daghan unya ang mangabot gikan sa silangan ug sa kasadpan ug manambong sa kan-anan uban kang Abraham, Isaac ug Jacob didto sa gingharian sa langit,

Marcos 8:36

Kay unsa may kapuslanan alang sa usa ka tawo sa pag-angkon niya sa tibuok kalibotan apan mawad-an sa iyang kinabuhi?

Lucas 12:20

Apan ang Dios miingon kaniya, ‘Buang! Karong gabhiona ang imong kalag kuhaon gikan kanimo ug ang mga butang nga imong giandam, kang kinsa na man unya kini?’

Lucas 16:21

Ug gipangandoy ni Lazaro nga makakaon unta siya sa mga mumho nga nangatagak gikan sa lamisa sa tawong dato, ug nanuol pa gayod kaniya ang mga iro ug ilang gitilapan ang iyang mga kabahong.

Juan 1:18

Wala pa gayoy tawo nga nakakita sa Dios. Ang bugtong nga Dios nga anaa sa sabakan sa Amahan mao ang nagpaila kaniya.

Juan 13:23

Usa sa iyang mga tinun-an, nga pinalangga ni Jesus, nagsandig sa dughan ni Jesus.

Juan 21:20

Si Pedro milingi ug iyang nakita nga nagsunod kanila ang tinun-an nga pinalangga ni Jesus, siya nga sa panihapon nagsandig sa dughan ni Jesus ug miingon kaniya, “Ginoo, kinsa ba ang magbudhi kanimo?”

Mga Hebreo 1:14

Dili ba silang tanan mga alagad nga espiritu, nga gipadala aron sa pag-alagad, tungod ug alang kanila nga makaangkon sa kaluwasan?

Mga Hebreo 2:14

Busa ingon nga ang mga anak nakaambit man sa unod ug dugo, siya gayod usab miambit niini, aron pinaagi sa kamatayon malaglag niya ang may gahom sa kamatayon, nga sa ato pa, ang yawa,

Santiago 1:11

Kay ang adlaw mosidlak sa hilabihang kainit ug ang tanom malaya ug ang kabulakan mangatagak ug ang ilang katahom mahanaw. Sa ingon usab niana, ang tawong dato mahanaw diha sa iyang mga pamaagi.

1 Pedro 2:24

Siya gayod mao ang midala sa atong mga sala diha sa iyang lawas ngadto sa kahoy, aron kita mamatay ngadto sa sala ug mabuhi ngadto sa pagkamatarong. Pinaagi sa iyang mga samad kamo nangaayo.

Gipadayag 14:13

Ug nabati nako gikan sa langit ang usa ka tingog nga nag-ingon, “Isulat kini: Bulahan ang mga patay nga nangamatay diha sa Ginoo sukad karon.” “Bulahan gayod,” nag-ingon ang Espiritu, “aron makapahulay na sila gikan sa ilang mga paghago, kay ang ilang binuhatan mokuyog man kanila!”