Lucas 16:20

Ang Biblia 2011

Sa gawas sa iyang pultahan gibutang ang usa ka tawong kabos nga ginganlan ug Lazaro, nga nalukop sa kabahong.

Cross References

Job 2:7

Busa milakaw si Satanas gikan sa atubangan sa Ginoo, ug gipaantos si Job pinaagi sa mga hubag nga makalilisang, gikan sa lapalapa sa iyang tiil hangtod sa alimpulo.

Salmo 34:19

Daghan ang mga kagul-anan sa matarong; apan ang Ginoo magluwas kaniya gikan nianang tanan.

Salmo 73:14

Kay sa tibuok adlaw nagkalisod ako, ug gipanton sa matag buntag.

Isaias 1:6

Gikan sa lapalapa sa tiil bisan hangtod sa ulo, walay maayo diha niini, apan mga samad ug bun-og ug mga pangos; kini wala pa mapuga o mabugkosi o mahidhiri ug lana.

Jeremias 8:22

Wala bay tambal sa Gilead? Wala bay mananambal didto? Busa ngano man nga wala maulii sa maayong panglawas ang anak nga babaye sa akong katawhan?

Mateo 26:71

Ug sa dihang milakaw siya paingon sa agianan dihay laing babayeng sulugoon nga nakakita kaniya ug miingon sa mga tawo nga nagtindog didto, “Kining tawhana kauban ni Jesus nga Nazaretnon.”

Lucas 16:19

“Dihay usa ka tawong dato nga nagbisti ug mahalong panapton nga tapol ug pino nga lino ug nagkaon sa makabuhong nga pagkaon matag adlaw.

Lucas 16:21

Ug gipangandoy ni Lazaro nga makakaon unta siya sa mga mumho nga nangatagak gikan sa lamisa sa tawong dato, ug nanuol pa gayod kaniya ang mga iro ug ilang gitilapan ang iyang mga kabahong.

Juan 11:1

Ug dihay masakiton nga usa ka tawo, si Lazaro nga taga-Betania, sa balangay ni Maria ug sa iyang igsoon nga si Marta.

Mga Buhat 3:2

Didtoy usa ka lalaki nga bakol sukad pa sa iyang pagkatawo nga sa matag adlaw gibutang didto sa Templo, sa pultahan nga ginganlan ug Matahom aron mangayo ug limos kanila nga mosulod sa Templo.

Santiago 1:9

Ang igsoon nga ubos ug kahimtang kinahanglan nga magpasigarbo diha sa pagpataas kaniya,

Santiago 2:5

Paminaw, hinigugma nakong mga igsoon. Dili ba gipili man sa Dios ang mga kabos dinhi sa kalibotan aron mahimong dato sa pagtuo ug mga manununod sa gingharian nga iyang gisaad sa mga nahigugma kaniya?

1 Samuel 2:8

Siya magbangon sa kabos gikan sa abog; siya magtuboy sa timawa gikan sa tapok sa abo, aron palingkoron sila uban sa mga pangulo, ug manunod sa trono sa himaya. Kay ang mga haligi sa yuta iya sa Ginoo, ug diha niini iyang gipahimutang ang kalibotan.