Lucas 16:19

Ang Biblia 2011

“Dihay usa ka tawong dato nga nagbisti ug mahalong panapton nga tapol ug pino nga lino ug nagkaon sa makabuhong nga pagkaon matag adlaw.

Cross References

Ester 8:15

Unya si Mardoqueo migula gikan sa atubangan sa hari diha sa harianong bisti nga asul ug puti, uban sa usa ka dakong korona nga bulawan ug usa ka kupo nga pinong lino ug mahalong panapton nga tapol samtang ang siyudad sa Susa nagsinggit ug naglipay.

Mga Panultihon 14:24

Ang purongpurong sa mga maalamon mao ang ilang kaalam, apan ang binuang mao ang kabuangan sa mga buang.

Mga Panultihon 31:22

Siya nagbuhat ug mga hapin sa higdaanan alang sa iyang kaugalingon; ang iyang bisti pino nga lino ug mahalong panapton nga tapol.

Isaias 3:23

ang sihag nga mga panapton, ang mga bisting lino, ang mga turban ug ang mga pandong.

Ezequiel 16:13

Sa ingon niana, ikaw gidayandayanan ug bulawan ug plata, ug ang imong bisti pino nga lino ug sida ug binurdahan nga panapton. Nagkaon ikaw sa pinong harina ug dugos ug lana. Ikaw matahom kaayo ug ikaw nakakab-ot sa harianong kahimtang.

Ezequiel 16:49

Mao kini ang kasal-anan sa imong igsoon nga Sodoma: siya ug ang iyang mga anak nga babaye adunay garbo, nanubra nga pagkaon ug mauswagong kasayon, apan wala motabang sa kabos ug sa nanginahanglan.

Ezequiel 27:7

Pinong lino nga binurdahan gikan sa Ehipto ang imong layag, ingon nga imong bandila; ang asul ug tapol gikan sa mga pulo sa Elisa mao ang imong tolda.

Marcos 15:17

Ug gisul-oban nila siya ug kapa nga tapol, ug sa nakalukong sila ug purongpurong nga tunokon, ila kining gisul-ob kaniya.

Marcos 15:20

Ug human nila siya bugalbugali, gihukasan nila siya sa kapa nga tapol ug ilang gibalik pagsul-ob kaniya ang iyang kaugalingong mga bisti. Ug gidala nila siya ngadto sa gawas aron ilansang sa krus.

Lucas 15:13

Human sa pipila ka adlaw, gihipos sa manghod ang tanan nga iyaha ug milakaw ngadto sa layong dapit, ug didto iyang giusik-usikan ang iyang katigayonan pinaagi sa pagkinabuhi nga mapatuyangon.

Lucas 16:1

Si Jesus miingon usab sa iyang mga tinun-an, “Dihay usa ka tawong dato nga may piniyalan, ug may mga sumbong nga gidala ngadto kaniya nga ang iyang katigayonan giusik-usikan sa iyang piniyalan.

Lucas 16:18

“Ang matag usa nga mobulag sa iyang asawa ug mangasawa ug lain, nakapanapaw, ug ang mangasawa sa babayeng gibulagan sa bana, nakapanapaw.

Lucas 16:20

Sa gawas sa iyang pultahan gibutang ang usa ka tawong kabos nga ginganlan ug Lazaro, nga nalukop sa kabahong.

Gipadayag 17:4

Ug ang babaye nagbisti ug mahalon nga panaptong tapol ug pula ug may mga dayandayan nga bulawan ug mga mahalong bato ug mga perlas, nagkupot ug usa ka kopa nga bulawan nga napuno sa kangil-aran ug kahugawan sa iyang pagkamakihilawason,

Gipadayag 18:16

“Alaot, alaot, ang bantogang siyudad nga binistihan ug pino nga lino, ug sa mahalong panapton nga tapol ug pula, dinayandayanan ug bulawan, mga batong mahalon ug mga perlas!

Gipadayag 18:7

Sumala sa iyang pagpagarbo sa iyang kaugalingon ug sa iyang pagkamapatuyangon, hatagi siya ug samang sukod sa kasakit ug kasubo, kay sa iyang kasingkasing nag-ingon man siya, ‘Naglingkod ako nga rayna, dili ako biyuda, ug sa kasubo dili gayod ako makasinati,’

Mga Maghuhukom 8:26

Ang gibug-aton sa bulawan nga mga ariyos nga iyang gipangayo usa ka libo ug pito ka gatos ka siklo sa bulawan gawas sa mga dayandayan ug mga kuwentas ug sa mga panapton nga tapol nga gisul-ob sa mga hari sa Midian ug gawas sa mga kadena nga gibugkos sa mga liog sa ilang mga kamilyo.