Lucas 16:16

Ang Biblia 2011

“Ang Balaod ug ang mga Propeta hangtod lamang kang Juan, ug sukad niadtong panahona giwali ang Maayong Balita mahitungod sa gingharian sa Dios, ug ang tanang tawo nakigbisog sa pagsulod niini.

Cross References

Mateo 10:7

Ug samtang manglakaw kamo, pagwali kamo nga mag-ingon, ‘Ang gingharian sa langit nagkaduol na.’

Mateo 15:11

dili ang mosulod sa baba mao ang makapahugaw sa tawo, kondili ang mogula gikan sa baba mao ang makapahugaw sa tawo.”

Mateo 21:32

Kay si Juan mianhi kaninyo ug nagtultol sa dalan sa pagkamatarong ug wala kamo motuo kaniya apan ang mga tigpaningil ug buhis ug ang mga babayeng nagbaligya sa dungog mituo kaniya. Ug bisan sa pagkakita ninyo niini, wala gihapon kamo maghinulsol sa kaulahian ug wala motuo kaniya.

Mateo 3:2

“Paghinulsol kamo, kay ang gingharian sa langit nagkaduol na.”

Mateo 4:17

Sukad niadtong higayona si Jesus misugod sa pagwali nga nag-ingon, “Paghinulsol kamo kay ang gingharian sa langit duol na.”

Mateo 4:23

Milibot si Jesus sa tibuok Galilea ug nagtudlo sulod sa ilang mga sinagoga ug nagwali sa Maayong Balita mahitungod sa gingharian ug nag-ayo sa tanang balatian ug tanang sakit sa katawhan.

Marcos 1:14

Unya human sa pagdakop kang Juan, si Jesus miadto sa Galilea, nagwali sa Maayong Balita gikan sa Dios

Marcos 1:45

Apan milakaw siya ug misugod sa pagpanugilon nga walay lipodlipod mahitungod niini ug sa pagsabwag sa balita, nga tungod niana si Jesus dili na makahimo sa dayag nga pagsulod ug lungsod, kondili didto na lamang siya sa mga dapit nga awaaw. Ug ang mga tawo nangadto kaniya gikan sa tanang dapit.

Lucas 10:11

‘Bisan pa ang abog sa inyong lungsod nga mitapot sa among mga tiil, kini among paphaon batok kaninyo. Apan hibaloi kini, nga ang gingharian sa Dios nagkaduol na.”

Lucas 10:9

Ayoha ninyo ang mga masakiton didto ug ingna sila, ‘Ang gingharian sa Dios nagkaduol na kaninyo.’

Lucas 16:29

Apan si Abraham mitubag kaniya, ‘Atua na kanila si Moises ug ang mga propeta; papamatia sila kanila.’

Lucas 16:31

Si Abraham mitubag kaniya, ‘Kon sila dili man mamati kang Moises ug sa mga propeta, dili usab sila mamati bisan kon may mabanhaw pa gikan sa mga patay.’ ”

Lucas 9:2

Ug gipadala niya sila aron sa pagsangyaw sa gingharian sa Dios ug sa pagpang-ayo.

Juan 1:45

Unya gikahibalag ni Felipe si Natanael, ug giingnan siya, “Among gikahibalag siya nga gihisgotan sa gisulat ni Moises diha sa Balaod ug sa mga Propeta usab. Siya si Jesus nga Nazaretnon, ang anak ni Jose.”

Juan 11:48

Kon pasagdan nato siya niini, ang tanan motuo kaniya, ug unya ang mga Romanhon manganhi ug ilang laglagon ang atong balaang dapit ug ang atong nasod.”

Juan 12:19

Unya ang mga Pariseo nag-ingon sa usa ug usa, “Nakita ninyo nga wala na gayod kamoy mahimo! Tan-awa, ang tibuok kalibotan misunod na kaniya!”

Mga Buhat 3:18

Apan ang gisulti nang daan sa Dios pinaagi sa baba sa tanang mga propeta, nga ang Cristo kinahanglan gayod nga mag-antos, iyang gituman.