Lucas 15:29

Ang Biblia 2011

Apan siya mitubag sa iyang amahan, ‘Tan-awa, sulod niining daghang katuigan nag-alagad ako kanimo ug wala gayod ako mosupak sa imong sugo, apan wala ako nimo hatagi bisan na lang ug nating kanding aron makahimo ako sa pagsadya uban sa akong mga higala.

Cross References

Isaias 65:5

nga nag-ingon, “Paglain sa imong kaugalingon, ayaw pagduol kanako, kay ako gilain gikan kanimo.” Kini aso sa akong ilong, kalayo nga nagdilaab sa tibuok nga adlaw.

Zacarias 7:3

ug sa paghangyo sa mga pari nga didto sa balay sa Ginoo sa mga panon, ug sa mga propeta, “Magbangutan ba ako ug magpuasa sa ikalima nga bulan, sumala sa akong gibuhat sa daghang katuigan?”

Malaquias 3:14

Kamo miingon, ‘Walay kapuslanan ang pag-alagad sa Dios. Unsay kaayohan sa atong pagtuman sa iyang pahimangno o sa paglakaw diha sa pagsubo sa atubangan sa Ginoo sa mga panon?

Mateo 20:12

Sila miingon, ‘Kining mga naulahi naghago sulod lamang sa usa ka takna ug sila imong gitupong kanamo nga maoy milahutay sa buluhaton sa tibuok adlaw ug sa hilabihan nga kainit.’

Lucas 15:28

Apan nasuko siya ug mibalibad sa pagsulod. Ug ang iyang amahan migula ug mialam-alam kaniya.

Lucas 15:30

Apan sa pag-abot niining imong anak nga milamoy sa imong katigayonan kauban sa mga babayeng nagbaligya sa ilang dungog, giihaw nimo alang kaniya ang nating baka nga gipatambok!’

Lucas 15:7

Sultihan ko kamo nga sa ingon usab niana adunay labaw pa nga kalipay unya didto sa langit tungod sa usa ka makasasala nga maghinulsol kay sa 99 ka tawong matarong nga wala magkinahanglan ug paghinulsol.

Lucas 17:10

Mao usab kamo, sa dihang mabuhat ninyo ang tanang gisugo kaninyo, ingna ninyo, ‘Kami mga sulugoon nga walay pulos kay igo man lamang kami nga nagtuman sa tanan nga gisugo kanamo.’ ”

Lucas 18:9

Ug iya usab nga gisugilon kining usa ka sambingay ngadto sa uban nga nagsalig sa ilang kaugalingon nga sila mga matarong ug nagtamay sa uban:

Lucas 19:21

kay nahadlok ako kanimo, tungod kay ikaw higpit nga pagkatawo. Ikaw nagkuha sa dili nimo binutang ug nag-ani sa dili nimo pinugas.’

Roma 10:3

Ug kay wala man sila mahibalo sa pagkamatarong nga iya sa Dios ug naningkamot sa pagtukod sa ilang kinaugalingon nga pagkamatarong, sila wala magpailalom sa pagkamatarong sa Dios.

Roma 3:20

Kay sa atubangan sa Dios walay tawo nga mamatud-ang matarong pinaagi sa pagtuman sa Balaod, kay pinaagi sa Balaod miabot ang pagkahibalo mahitungod sa sala.

Roma 3:27

Unya naunsa na man ang atong pagpagarbo? Gisalikway na! Sa unsang balaod? Sa mga buhat ba? Dili, hinuon pinaagi sa balaod sa pagtuo.

Roma 7:9

Buhi ako kaniadto nga wala pay Balaod, apan sa pag-abot sa kasugoan, ang sala nabuhi ug ako namatay.

Gipadayag 2:17

Ang adunay igdulungog kinahanglang magpatalinghog sa gisulti sa Espiritu ngadto sa mga iglesia. Siya nga magmadaogon hatagan nako ug mana nga tinagoan, ug hatagan nako siya ug usa ka bato nga puti nga gisulatan ug usa ka bag-ong ngalan nga dili masabot ni bisan kinsa gawas niadtong nagdawat niini.’

Gipadayag 3:17

Kay ikaw nag-ingon, “Ako dato, ako mauswagon ug walay nakulang kanako;” ug wala ka mahibalo nga ikaw alaot, makaluluoy, kabos, buta ug hubo.