Lucas 15:28

Ang Biblia 2011

Apan nasuko siya ug mibalibad sa pagsulod. Ug ang iyang amahan migula ug mialam-alam kaniya.

Cross References

Isaias 65:5

nga nag-ingon, “Paglain sa imong kaugalingon, ayaw pagduol kanako, kay ako gilain gikan kanimo.” Kini aso sa akong ilong, kalayo nga nagdilaab sa tibuok nga adlaw.

Isaias 66:5

Pamatia ang pulong sa Ginoo, kamo nga nagkurog tungod sa iyang pulong: “Ang inyong kaigsoonan nga nagdumot kaninyo, ug nagsalikway kaninyo tungod sa akong ngalan nag-ingon, ‘Ipahimaya ang Ginoo, aron makita namo ang inyong kalipay’; apan sila mao ang pakaulawan.

Jeremias 35:16

Ang mga anak ni Jonadab nga anak ni Rekab nagtuman sa sugo nga gihatag kanila sa ilang amahan, apan kini nga katawhan wala magtuman kanako.

Jonas 4:9

Apan ang Dios miingon kang Jonas, “Maayo ba ang imong gibuhat, nga ikaw nasuko tungod sa tanom?” Ug siya miingon, “Maayo ang akong gibuhat sa pagkasuko, kasuko nga igo nga ikamatay.”

Mateo 20:11

Ug sa ilang pagdawat niini, sila nagbagutbot batok sa pangulo sa panimalay.

Marcos 1:40

Unya didtoy usa ka sanlahon nga miduol ug nagpakiluoy kaniya ug samtang nagluhod miingon kaniya, “Kon buot nimo, makahinlo ikaw kanako.”

Lucas 13:34

O Jerusalem, Jerusalem, nga nagpatay sa mga propeta ug nagbato sa mga sinugo diha kanimo! Makapila nako gipangandoy ang pagtigom sa imong mga anak sama sa himungaan nga nagtigom sa iyang mga piso ilalom sa iyang mga pako, apan nagdumili ka!

Lucas 15:2

Ug ang mga Pariseo ug mga eskriba nagbagulbol nga nag-ingon, “Kining tawhana nag-abiabi sa mga makasasala ug mikaon uban kanila.”

Lucas 15:27

Ug siya mitubag kaniya, ‘Ang imong igsoon miabot, ug gipaihaw sa imong amahan ang nating baka nga gipatambok, tungod kay ang iyang anak nahibalik man kaniya nga walay kakulian ug maayo ang panglawas.’

Lucas 15:29

Apan siya mitubag sa iyang amahan, ‘Tan-awa, sulod niining daghang katuigan nag-alagad ako kanimo ug wala gayod ako mosupak sa imong sugo, apan wala ako nimo hatagi bisan na lang ug nating kanding aron makahimo ako sa pagsadya uban sa akong mga higala.

Lucas 24:47

ug nga sa iyang ngalan, ang paghinulsol ug pagpasaylo sa mga sala kinahanglang iwali ngadto sa tanang kanasoran, sugod sa Jerusalem.

Lucas 5:30

Unya ang mga Pariseo ug ang ilang mga eskriba nagbagutbot batok sa iyang mga tinun-an, nga nag-ingon, “Nganong nangaon ug nanginom man kamo uban sa mga tigpaningil ug buhis ug sa mga makasasala?”

Lucas 7:39

Sa pagkakita niini sa Pariseo nga nagdapit kaniya, siya misulti sa iyang kaugalingon, “Kon propeta pa kining tawhana, mahibalo unta siya kon kinsa ug unsang matanga sa pagkababaye ang mihikap kaniya, kay kini siya makasasala man.”

Mga Buhat 13:45

Apan sa pagkakita sa mga Judio sa panon sa katawhan, sila napuno sa kasina ug ilang gisupak ang mga gipanulti ni Pablo, ug gibugalbugalan nila siya.

Mga Buhat 13:50

Apan ang mga Judio mihulhog sa mga inilang kababayen-an nga mga relihiyoso ug sa mga kadagkoan sa siyudad, ug naghagit sila ug mga pagpanglutos kang Pablo ug kang Bernabe, ug gihinginlan sila gikan sa ilang dapit.

Mga Buhat 14:19

Apan may mga Judio nga nangabot didto gikan sa Antioquia ug sa Iconio. Ug sa nadani na nila ang mga tawo, ilang gibato si Pablo ug giguyod paingon sa gawas sa siyudad, sa pagdahom nga siya patay na.

Mga Buhat 14:2

Apan ang mga Judio nga wala motuo misamok ug midaot sa hunahuna sa mga Gentil batok sa mga kaigsoonan.

Roma 10:19

Mangutana ako pag-usab, wala ba mahibalo ang Israel? Una sa tanan si Moises nag-ingon, “Himoon nako nga masina ikaw niadtong dili nasod; ug masuko ikaw sa usa ka nasod nga hungog.”

2 Mga Taga-Corinto 5:20

Tungod kang Cristo kami mga pinadala, sama nga ang Dios naghangyo pinaagi kanamo. Alang kang Cristo, naghangyo kami kaninyo, pasig-uli kamo ngadto sa Dios.

1 Mga Taga-Tesalonica 2:16

pinaagi sa pagpugong kanamo sa pagsulti ngadto sa mga Gentil aron sila mangaluwas, aron sa kanunay magpuno sa gidaghanon sa ilang mga sala. Apan ang kapungot sa Dios miabot kanila sa kataposan!

1 Samuel 17:28

Si Eliab nga iyang magulang nga igsoon nakadungog sa diha nga siya nakigsulti sa mga tawo, ug ang kasuko ni Eliab misilaob batok kang David, ug siya miingon, “Nganong mianhi man ikaw? Ug kinsay imong gibinlan niadtong pipila ka karnero didto sa kamingawan? Ako nahibalo sa imong garbo, ug sa kadaotan sa imong kasingkasing kay ikaw mianhi aron sa pagtan-aw sa gubat.”

1 Samuel 18:8

Busa si Saul nasuko sa hilabihan gayod ug kining pulonga wala makapahimuot kaniya ug siya miingon, “Gipahinungod nila kang David ang tagnapulo ka libo ug kanako ilang gipahinungod ang mga linibo lamang, ug unsa pay lain nga maiya kondili ang gingharian?”