Lucas 15:24

Ang Biblia 2011

Kay kining akong anak namatay ug karon nabuhi pag-usab. Siya nawala apan karon nakit-an na.’ Ug sila misugod sa pagsadya.

Cross References

Genesis 45:28

Unya si Israel miingon, “Igo na kini, si Jose nga akong anak buhi pa diay, ako moadto ug motan-aw kaniya sa dili pa ako mamatay.”

Isaias 35:10

Ug ang mga linukat sa Ginoo mobalik, ug moadto sa Zion uban ang pag-awit; ug ang kalipay nga walay kataposan anha sa ibabaw sa ilang mga ulo; sila makabaton sa kasadya ug kalipay ug ang kasubo ug panghupaw mangahanaw.

Isaias 66:11

aron kamo makasuso ug mabusog sa iyang makalipay nga mga dughan; aron kamo makainom pag-ayo uban sa kalipay gikan sa kadagaya sa iyang himaya.”

Ezequiel 34:16

Pangitaon nako kadtong nawala, pabalikon kadtong nagkatibulaag sa layo, bugkosan ang napiang ug palig-onon ang nagmaluyahon, apan akong laglagon ang mga tambok ug kusgan, sila pasibsibon nako diha sa hustisya.

Ezequiel 34:4

Ang huyang wala ninyo palig-ona, ang masakiton wala tambali, ang napiang wala ninyo bugkosi, ang nasaag wala ninyo dad-a pagbalik, ang nawala wala ninyo pangitaa, ug uban sa kusog ug kabangis gimandoan ninyo sila.

Mateo 8:22

Apan si Jesus miingon kaniya, “Sunod kanako ug pasagdi ang mga patay nga maoy maglubong sa ilang mga minatay.”

Marcos 8:22

Unya miabot sila sa Betsaida. Ug dihay usa ka buta nga gidala sa mga tawo ngadto kang Jesus ug nangamuyo sila kaniya nga unta hikapon niya siya.

Lucas 10:19

Tan-awa, gihatagan ko kamo ug kagahom sa pagyatak sa mga bitin ug mga tanga ug ibabaw sa tanang gahom sa kaaway, ug walay makadaot kaninyo.

Lucas 15:23

Dad-a dinhi ang nating baka nga gipatambok ug ihawa kini ug mangaon kita ug magsadya.

Lucas 15:25

“Ug ang iyang anak nga magulang didto sa uma, ug sa iyang pag-abot duol sa balay, iyang nadungog ang huni ug pagsayaw.

Lucas 15:32

Angay gayod ang pagsadya ug paglipay kay kining imong igsoon namatay apan karon nabuhi pag-usab. Siya nawala apan karon nakit-an.’ ”

Lucas 15:4

“Kinsa bang tawhana kaninyo nga may usa ka gatos ka karnero nga kon mawad-an siya ug usa ka buok niini, dili mobiya sa 99 diha sa kamingawan ug molakaw aron sa pagpangita niadtong usa nga nawala hangtod nga makit-an niya kini?

Lucas 19:10

Kay ang Anak sa Tawo mianhi sa pagpangita ug pagluwas sa nawala.”

Lucas 9:60

Apan si Jesus miingon kaniya, “Pasagdi ang mga patay nga maoy maglubong sa ilang kaugalingong mga minatay. Apan ikaw, lakaw ug isangyaw ang gingharian sa Dios.”

Juan 11:25

Si Jesus miingon kaniya, “Ako mao ang pagkabanhaw ug ang kinabuhi. Ang nagtuo kanako, bisan siya mamatay, mabuhi siya

Juan 5:21

Kay ingon nga ang Amahan nagbanhaw sa mga patay ug naghatag kanila ug kinabuhi, ang Anak usab naghatag ug kinabuhi kang bisan kinsa nga buot niyang hatagan.

Roma 11:15

Kay kon ang pagsalikway kanila misangpot sa pagpasig-uli sa kalibotan ngadto sa Dios, unsa pa kaha ang pagdawat kanila kondili kinabuhi gikan sa kamatayon?

Roma 12:15

Paglipay kamo duyog sa mga nalipay, hilak duyog sa mga nanghilak.

Roma 6:11

Busa kamo usab kinahanglan nga mag-isip sa inyong kaugalingon nga patay na ngadto sa sala apan kamo buhi ngadto sa Dios diha kang Cristo Jesus.

Roma 6:13

Ayaw itugyan ang mga bahin sa inyong lawas ngadto sa sala ingon nga galamiton sa pagkadili matarong, hinuon itugyan ang inyong kaugalingon ngadto sa Dios ingon nga mga tawo nga nabuhi gikan sa kamatayon ug ang mga bahin sa inyong lawas ngadto sa Dios ingon nga mga galamiton sa pagkamatarong.

Roma 8:2

Kay ang balaod sa Espiritu sa kinabuhi diha kang Cristo Jesus nagpalingkawas kanako gikan sa balaod sa sala ug sa kamatayon.

1 Mga Taga-Corinto 12:26

Kon ang usa ka bahin mag-antos, ang tanan magdungan sa pag-antos; kon ang usa ka bahin pasidunggan, ang tanan magdungan sa paglipay.

Mga Taga-Efeso 2:1

Kaniadto kamo patay tungod sa inyong mga kalapasan ug mga kasal-anan.

Mga Taga-Efeso 2:5

bisan sa dihang patay pa kita tungod sa atong mga kasal-anan, naghimo kanato nga buhi uban kang Cristo. Tungod sa grasya giluwas kamo.

Mga Taga-Efeso 5:14

kay ang tanang nadayag kahayag. Busa kini giingon: “Pagmata, ikaw nga natulog, ug bangon gikan sa mga patay, ug dan-agan ikaw ni Cristo.”

Mga Taga-Colosas 2:13

Ug kamo nga mga patay kaniadto diha sa mga kalapasan ug sa pagkadili tinuli sa inyong unod, ang Dios naghimo kaninyo nga buhi uban kaniya ingon nga napasaylo na niya kita sa tanan natong kalapasan,

1 Timoteo 5:6

Apan ang biyuda nga nagkinabuhi diha sa pagpatuyang sa kaugalingon, patay na bisan buhi pa siya.

Judas 1:12

Kining mga tawhana mga buling diha sa inyong mga pagsalosalo, nangumbira uban kaninyo, sa walay kaikog nagbusog sa ilang kaugalingon; kining mga tawhana mga panganod nga walay dalang ulan ug gipadpad sa hangin; mga kahoy nga walay mga bunga sa panahon sa tingbunga, makaduha mamatay, naibot.

Gipadayag 3:1

“Ug ngadto sa anghel sa iglesia sa Sardis, isulat kini: ‘Mao kini ang mga pulong sa naghupot sa pito ka espiritu sa Dios ug sa pito ka mga bituon. “ ‘Nasayod ako sa imong mga buhat, nailhan ikaw nga buhi, apan ikaw patay.