Lucas 15:22

Ang Biblia 2011

Apan ang amahan miingon sa iyang mga sulugoon, ‘Dad-a pagdali ang labing maayong bisti ug isul-ob kini kaniya, ug butangig singsing ang iyang kamot ug sapatosi ang iyang mga tiil.

Cross References

Genesis 41:42

Unya gikuha sa Paraon ang singsing nga silyo gikan sa iyang kamot ug gisul-ob kini sa kamot ni Jose ug gibistihan siya sa mga panapton nga pinong lino ug gibutangan siya ug usa ka kuwentas nga bulawan sa iyang liog.

Ester 3:10

Busa ang hari mikuha sa iyang singsing gikan sa iyang kamot ug gihatag kini kang Haman nga Agaghanon nga anak ni Hamedata, ang kaaway sa mga Judio.

Ester 8:2

Unya gikuha sa hari ang singsing nga iyang gikuha kang Haman ug gihatag kini kang Mardoqueo. Busa gipahimutang ni Ester si Mardoqueo sa balay ni Haman.

Salmo 132:16

Ang iyang mga pari akong bistihan ug kaluwasan, ang iyang mga balaan magsinggit sa kalipay.

Salmo 132:9

Pasul-obi sa pagkamatarong ang imong mga pari; ug pahugyawa sa kalipay ang imong mga balaan.

Salmo 18:33

Siya naghimo sa akong mga tiil nga sama sa mga tiil sa lagsaw, ug nagpahimutang kanako ngadto sa mga habog nga dapit.

Salmo 45:13

uban sa tanang matang sa bahandi. Ang anak nga babaye sa hari sulod sa iyang lawak gisul-oban sa bulawan nga buda.

Awit sa mga Awit 7:1

Pagkatahom sa imong mga tiil nga sinadalyasan, O hamili nga dalaga! Ang imong mga maanindot nga mga paa sama sa mga alahas, buhat sa usa ka batid nga kamot.

Isaias 61:10

Ako maglipay pag-ayo diha sa Ginoo, ang akong kalag magmalipayon diha sa akong Dios; kay ako gibistihan niya sa mga bisti sa kaluwasan, ako gisul-oban niya sa kupo sa pagkamatarong, sama sa pamanhonon nga nagdayandayan sa iyang kaugalingon sa usa ka purongpurong nga bulak, ug sama sa pangasaw-onon nga nagdayandayan sa iyang kaugalingon sa iyang mga alahas.

Lucas 15:21

Ug ang anak miingon kaniya, ‘Amahan ko, nakasala ako batok sa langit ug sa imong atubangan, dili na ako angay tawgon pa nga imong anak.’

Lucas 15:23

Dad-a dinhi ang nating baka nga gipatambok ug ihawa kini ug mangaon kita ug magsadya.

Roma 13:14

Apan isul-ob ninyo ang Ginoong Jesu-Cristo, ug ayaw tagda ang unod alang sa mga pangibog niini.

Roma 3:22

ang pagkamatarong sa Dios pinaagi sa pagtuo kang Jesu-Cristo alang sa tanan nga nagtuo. Kay walay kalainan,

Roma 8:15

Kay wala kamo makadawat sa espiritu sa pagkaulipon aron mahadlok na usab kamo, hinuon maoy nadawat ninyo ang espiritu sa pagkaanak. Ug pinaagi kaniya magtuaw kita, “Abba! Amahan!”

Mga Taga-Galacia 3:27

Kay ang tanan kaninyo nga gibautismohan ngadto kang Cristo nagsul-ob kang Cristo.

Mga Taga-Efeso 6:15

ug sinul-oban ang inyong mga tiil sa kaandam sa pagsangyaw sa Maayong Balita sa pakigdait.

Deuteronomio 33:25

Ang imong mga trangka puthaw ug bronsi; ug sama sa imong mga adlaw mao usab ang imong kusog.

Gipadayag 19:8

ug sa Pangasaw-onon gitugot ang pagbisti ug pino nga lino, sanag ug putli”, kay ang pino nga lino mao man ang mga matarong nga binuhatan sa mga balaan.

Gipadayag 2:17

Ang adunay igdulungog kinahanglang magpatalinghog sa gisulti sa Espiritu ngadto sa mga iglesia. Siya nga magmadaogon hatagan nako ug mana nga tinagoan, ug hatagan nako siya ug usa ka bato nga puti nga gisulatan ug usa ka bag-ong ngalan nga dili masabot ni bisan kinsa gawas niadtong nagdawat niini.’

Gipadayag 3:18

Busa tambagan ko ikaw nga gikan kanako magpalit ikaw ug bulawan nga gilunsay sa kalayo aron madato ikaw, ug mga puting bisti nga imong ikasul-ob aron dili madayag ang pagkamakauulaw sa imong pagkahubo, ug tambal nga idapat sa imong mga mata aron ikaw makakita.

Gipadayag 6:11

Unya ang matag usa kanila gihatagan ug puti ug tag-as nga bisti ug gisugo sa pagpahulay sa makadiyot, hangtod nga mahingpit ang gidaghanon sa ilang mga kaubang ulipon ug mga kaigsoonan nga patyon usab sama kanila.

Gipadayag 7:9

Human niini akong nakita ang usa ka dakong panon sa katawhan nga walay bisan kinsa nga makaihap, gikan sa tanang kanasoran, gikan sa tanang kabanayan ug katawhan ug pinulongan, nagtindog sa atubangan sa trono ug sa atubangan sa Nating Karnero, nagsul-ob ug puti nga bisti nga tag-as ug nagkupot ug mga palwa sa palmera,