Lucas 15:20

Ang Biblia 2011

Ug siya mitindog ug miadto sa iyang amahan. Apan samtang didto pa siya sa layo, nakita siya sa iyang amahan ug kini giabot ug kaluoy, ug midagan ug migakos kaniya ug mihalok kaniya.

Cross References

Genesis 33:4

Apan si Esau midagan sa pagsugat kaniya ug migakos kaniya ug mipauraray sa iyang liog ug mihalok kaniya ug nanghilak sila.

Genesis 45:14

Ug migakos siya sa liog ni Benjamin nga iyang igsoon ug mihilak siya ug si Benjamin usab mihilak nga naggakos diha sa iyang liog.

Genesis 46:29

Ug gipaandam ni Jose ang iyang sakyanan ug miadto siya sa pagdawat kang Israel nga iyang amahan didto sa Gosen. Unya nagpaila siya sa iyang kaugalingon ngadto kang Jacob ug migakos sa liog sa iyang amahan ug mihilak sa igo nga kadugayon.

2 Samuel 14:33

Unya si Joab miadto sa hari ug gisuginlan niya, ug gipatawag dayon si Absalom. Busa miadto siya sa hari ug giyukbo ang iyang nawong ngadto sa yuta atubangan sa hari ug ang hari mihalok kang Absalom.

Salmo 86:15

Apan ikaw, O Ginoo, Dios nga maluluy-on ug puno sa grasya, hinay sa pagkasuko ug madagayaon sa gugmang walay paglubad ug sa pagkamatinumanon.

Salmo 86:5

Kay ikaw, O Ginoo, maayo, ug mapasayloon, ug madagayaon sa gugmang walay paglubad alang sa tanan nga nagsangpit kanimo.

Isaias 49:15

“Malimot ba ang usa ka babaye sa iyang masuso nga bata, nga dili siya magbaton ug kaluoy sa anak sa iyang taguangkan? Bisan kini sila makalimot, apan ako dili gayod malimot kanimo.

Isaias 57:18

Ako nakakita sa iyang mga dalan, apan ayohon nako siya; giyahan nako siya ug balosan na ug kalipay, maghimo sa bunga sa mga ngabil alang sa iyang mga tigbangutan.

Jeremias 31:20

Si Ephraim ba ang akong minahal nga anak? Siya ba ang akong pinanggang anak? Kay sa makadaghan nga ako magsulti batok kaniya, ako nahinumdom pa gihapon kaniya. Busa ang akong kasingkasing nangandoy kaniya; kaluy-an gayod nako siya, nag-ingon ang Ginoo.

Oseas 11:8

Unsaon man nako pagbiya kanimo, O Ephraim? Unsaon man nako pagsalikway kanimo, O Israel? Unsaon nako paghimo kanimo nga sama sa Adma? Unsaon man nako paghimo kanimo nga sama sa Zeboim? Ang akong kasingkasing nausab sa sulod nako, ang akong kaluoy misamot ka dako.

Lucas 15:19

Dili na ako angay nga tawgon pa nga imong anak. Himoa na lang ako nga usa sa imong mga sinuholan.” ’

Lucas 15:21

Ug ang anak miingon kaniya, ‘Amahan ko, nakasala ako batok sa langit ug sa imong atubangan, dili na ako angay tawgon pa nga imong anak.’

Mga Buhat 2:39

Kay ang saad alang kaninyo ug sa inyong mga anak ug sa tanan nga atua sa layo, ang matag usa nga gitawag sa Ginoo nga atong Dios ngadto kaniya.”

Mga Buhat 20:37

Silang tanan mihilak ug si Pablo ilang gigakos ug gihalokan

Mga Taga-Efeso 2:13

Apan karon, diha kang Cristo Jesus, kamo nga kaniadto layo, karon gipaduol na pinaagi sa dugo ni Cristo.

Mga Taga-Efeso 2:17

Ug sa iyang pag-anhi, siya nagsangyaw sa maayong balita sa pakigdait nganha kaninyo nga kaniadto layo ug sa pakigdait ngadto kanila nga duol,