Lucas 15:18

Ang Biblia 2011

Motindog ako ug moadto sa akong amahan ug ingnon nako siya, “Amahan ko, nakasala ako batok sa langit ug sa imong atubangan.

Cross References

2 Cronicas 33:19

Ang iyang pag-ampo ug kon giunsa sa pagdawat sa Dios sa iyang paghangyo, ug ang tanan niyang sala ug ang iyang kalapasan, ug ang mga dapit diin siya magtukod sa mga habog nga dapit ug gipatindog ang mga Asera ug ang mga larawan sa wala pa siya magpaubos sa iyang kaugalingon, kini nasulat sa Kasaysayan sa mga Propeta.

Salmo 25:11

Tungod ug alang sa imong ngalan, O Ginoo, pasayloa ang akong kasal-anan kay kini dako man kaayo.

Mga Panultihon 23:13

Ayaw pugngi ang pagpanton gikan sa bata; kon imo siyang bunalan pinaagi sa bunal, dili siya mamatay.

Isaias 63:16

Kay ikaw mao ang among Amahan, bisan wala kami mailhi ni Abraham, ug si Israel wala moila kanamo; ikaw, O Ginoo, mao ang among Amahan, among Manunubos gikan sa karaang panahon maoy imong ngalan.

Jeremias 3:19

“ ‘Ako naghunahuna unsaon nako pagpahimutang kanimo uban sa akong sa mga anak, ug paghatag kanimo sa maayong yuta, usa ka labing matahom nga panulundon sa tanang mga nasod. Ug ako naghunahuna nga motawag ikaw kanako, Akong Amahan, ug dili mobiya sa pagsunod kanako.

Jeremias 31:20

Si Ephraim ba ang akong minahal nga anak? Siya ba ang akong pinanggang anak? Kay sa makadaghan nga ako magsulti batok kaniya, ako nahinumdom pa gihapon kaniya. Busa ang akong kasingkasing nangandoy kaniya; kaluy-an gayod nako siya, nag-ingon ang Ginoo.

Mga Pagbangotan 3:29

ipabutang ang iyang baba sa abog, mahimong aduna pay paglaom;

Mga Pagbangotan 3:40

Susihon nato ug sulayan ang atong mga pamaagi, ug mamalik kita ngadto sa Ginoo!

Daniel 4:26

Ug ingon nga kini gisugo nga ipabilin ang tuod sa mga gamot sa kahoy, ang imong gingharian masiguro gayod kanimo sukad sa panahon nga ikaw mahibalo nga ang langit maoy naghari.

Jonas 2:4

Unya ako miingon, ‘Gisalikway ako gikan sa imong atubangan; unsaon man nako pagtan-aw pag-usab sa imong balaan nga Templo?’

Jonas 3:9

Kinsa ang nasayod kon ang Dios dili ba motalikod ug masubo ug mobiya sa iyang bangis nga kasuko aron dili kita mangamatay?”

Mateo 3:6

Didto sa suba sa Jordan iyang gibautismohan sila nga nagsugid sa ilang mga sala.

Mateo 6:14

Kay kon mopasaylo kamo sa mga tawo sa ilang mga kalapasan, pasayloon usab kamo sa inyong langitnong Amahan

Mateo 6:9

Busa pag-ampo kamo sama niini: Amahan namo nga anaa sa langit, balaanon unta ang imong ngalan.

Mateo 7:11

Busa, kon kamo, bisan sa inyong pagkadaotan, mahibalo man ganing mohatag ug mga maayong gasa ngadto sa inyong mga anak, unsa pa kaha ang inyong Amahan nga anaa sa langit nga mohatag ug mga maayong butang ngadto sa mga nangayo kaniya!

Lucas 11:2

Ug siya miingon kanila, “Sa inyong pag-ampo, ingnon ninyo: “Amahan, unta balaanon ang imong ngalan. Paanhia ang imong gingharian.

Lucas 15:17

Apan sa dihang nakaamgo na siya sa iyang kaugalingon, siya miingon, ‘Pagkadaghan sa mga sinuholan sa akong amahan nga may igong pagkaon ug sobra pa, samtang ako dinhi hapit na mamatay sa kagutom!

Lucas 15:19

Dili na ako angay nga tawgon pa nga imong anak. Himoa na lang ako nga usa sa imong mga sinuholan.” ’

Lucas 15:21

Ug ang anak miingon kaniya, ‘Amahan ko, nakasala ako batok sa langit ug sa imong atubangan, dili na ako angay tawgon pa nga imong anak.’

Lucas 18:13

Apan ang tigpaningil ug buhis nga nagtindog sa layo, wala gani motan-aw ngadto sa langit, apan nagpukpok sa iyang dughan nga nag-ingon, ‘O Dios, kaluy-i ako nga makasasala!’