Lucas 15:17

Ang Biblia 2011

Apan sa dihang nakaamgo na siya sa iyang kaugalingon, siya miingon, ‘Pagkadaghan sa mga sinuholan sa akong amahan nga may igong pagkaon ug sobra pa, samtang ako dinhi hapit na mamatay sa kagutom!

Cross References

Salmo 119:59

Sa namalandong ako sa akong mga dalan, gipabalik nako ang akong mga tiil ngadto sa imong mga pagpamatuod.

Salmo 73:20

Sila sama sa usa ka damgo sa diha nga ang usa ka tawo mahigmata, sa pagmata, tamayon nimo ang ilang paghanduraw.

Ecclesiastes 9:3

Daotan kini diha sa tanan nga nabuhat ilalom sa adlaw, nga usa ka sangpotanan moabot sa tanan; ang mga kasingkasing usab sa mga anak sa mga tawo puno sa kadaotan, ug ang kabuang anaa sa ilang kasingkasing samtang buhi pa sila, ug human niini mangadto sila sa mga patay.

Jeremias 31:19

Kay human ako mibiya, ako naghinulsol; ug human ako matudloi, akong gihampak ang akong paa; naulaw ako ug ako nalibog, tungod kay ako nag-antos sa kaulawan sa akong pagkabatan-on.’

Mga Pagbangotan 1:7

Ang Jerusalem nahinumdom diha sa mga adlaw sa iyang kagul-anan ug sa iyang paglatagaw, sa tanang mga butang nga iyang nahuptan sukad sa unang mga adlaw. Sa diha nga nahulog ang iyang katawhan sa kamot sa kaaway, ug walay mitabang kaniya, ang kaaway mitan-aw nga nagbiaybiay kaniya diha sa iyang pagkahulog.

Ezequiel 18:28

Tungod kay siya namalandong ug mitalikod gikan sa tanan niyang kalapasan nga iyang gihimo, siya mabuhi gayod, ug siya dili mamatay.

Oseas 2:7

Gukdon niya ang iyang mga hinigugma apan dili siya makaapas kanila, ug siya mangita kanila apan dili makakita kanila. Unya siya moingon, ‘Molakaw ako ug mobalik sa una nakong bana kay maayo pa ako kaniadto kay sa karon.’

Lucas 15:16

Ug siya nangandoy sa pagkaon bisan pa sa mga bunga sa mga tanom nga gikaon sa mga baboy ug walay tawo nga mihatag kaniya ug bisan unsa.

Lucas 16:23

Ug didto sa Hades, sa nag-antos siya sa mga kasakit, giyahat niya ang iyang mga mata ug iyang nakita si Abraham didto sa layo ug si Lazaro diha sa iyang kiliran.

Lucas 8:35

Unya ang mga tawo nanggawas sa pagsusi unsay nahitabo, ug miadto sila kang Jesus. Ug ilang nakita ang tawo nga gigulaan sa mga demonyo nga naglingkod sa tiilan ni Jesus, nagbisti na ug maayo na ang panimuot, ug sila nangahadlok.

Mga Buhat 12:11

Ug sa nakamatngon na si Pedro, siya miingon, “Karon nasuta ko na nga ang Ginoo tinuod gayod nga nagpadala sa iyang anghel ug nagluwas kanako gikan sa kamot ni Herodes ug gikan sa tanang gipaabot sa mga Judio.”

Mga Buhat 2:37

Sa ilang pagkadungog niini, nasamaran ang ilang mga kasingkasing, ug nangutana sila kang Pedro ug sa ubang mga apostoles, “Mga igsoon, unsa may among buhaton?”

Mga Taga-Efeso 5:14

kay ang tanang nadayag kahayag. Busa kini giingon: “Pagmata, ikaw nga natulog, ug bangon gikan sa mga patay, ug dan-agan ikaw ni Cristo.”