Lucas 15:15

Ang Biblia 2011

Busa milakaw siya ug nagpahimo nga sulugoon sa usa sa mga nagpuyo niadtong yutaa, nga misugo kaniya ngadto sa iyang kaumahan sa paglawog sa mga baboy.

Cross References

2 Cronicas 28:22

Sa panahon sa iyang kalisod, misamot pa hinuon ang iyang pagkawalay pagtuo sa Ginoo, kining maong Hari Ahas.

Exodo 10:3

Busa si Moises ug si Aaron miadto sa Paraon ug miingon kaniya, “Mao kini ang giingon sa Ginoo, ang Dios sa mga Hebreo, ‘Unsa ba kadugay nga magdumili ikaw sa pagpaubos sa imong kaugalingon sa akong atubangan? Tugoti sa paglakaw ang akong katawhan aron sila makaalagad kanako.

Isaias 1:5

Ngano ba nga hampakon pa kamo? Nganong nagpadayon kamo sa pagsupil? Ang tibuok nga ulo masakiton, ug ang tibuok nga kasingkasing nagluya.

Isaias 57:17

Tungod sa kasal-anan sa iyang kahakog ako nasuko, ako naghampak kaniya, gitagoan nako ang akong nawong ug nasuko; apan siya mipadayon pagbalik diha sa pamaagi sa iyang kaugalingong kasingkasing.

Jeremias 5:3

O Ginoo, wala ba magtan-aw sa kamatuoran ang imong mga mata? Ikaw naghampak kanila apan wala sila mobati ug kasubo; ikaw nag-ut-ot kanila apan sila nagdumili sa pagdawat sa pagsaway. Ilang gihimo nga ang ilang mga nawong gahi pa kay sa bato; nagdumili sila sa paghinulsol.

Ezequiel 16:52

Pas-ana usab ang imong kaulawan, kay ikaw naghimo sa hukom nga dapig sa imong mga igsoong babaye, tungod kay ang mga sala nga imong gibuhat labaw pang dulumtanan kay sa ilaha, sila matarong pa kay kanimo. Pagbaton ug kaulaw, ug pas-ana ang imong kaulawan kay gihimo nimo nga ang imong mga igsoong babaye makita nga matarong.

Ezequiel 16:63

aron ikaw mahinumdom ug malibog, ug dili na gayod makabuka pag-usab sa imong baba tungod sa imong kaulaw, sa diha nga ako magpasaylo kanimo sa tanan nimong nabuhat, nag-ingon ang Ginoong Dios.”

Nahum 3:6

Maglabay ako ug hugaw nganha kanimo ug magtagad kanimo uban ang pagtamay, ug maghimo kanimo nga talan-awon.

Malaquias 2:9

ug busa gihimo ko kamo nga tinamay ug ubos sa atubangan sa tanang katawhan, ingon nga kamo wala magtuman sa akong mga pamaagi kondili adunay pagpinig sa mga tawo diha sa inyong pagtudlo.”

Mateo 7:6

“Ayaw ihatag sa mga iro ang butang nga balaan ug ayaw iitsa ang inyong mga perlas ngadto sa mga baboy kay tingali unya ug ila kining yatakyatakan ug sumbalikon unya nila kamo ug hambaton.

Lucas 15:13

Human sa pipila ka adlaw, gihipos sa manghod ang tanan nga iyaha ug milakaw ngadto sa layong dapit, ug didto iyang giusik-usikan ang iyang katigayonan pinaagi sa pagkinabuhi nga mapatuyangon.

Lucas 15:14

Ug sa nagasto na niya ang tanan, miabot ang usa ka dakong gutom niadtong yutaa, ug siya misugod sa pagbati sa kawalad-on.

Lucas 15:16

Ug siya nangandoy sa pagkaon bisan pa sa mga bunga sa mga tanom nga gikaon sa mga baboy ug walay tawo nga mihatag kaniya ug bisan unsa.

Roma 6:22

Apan karon nga gipalingkawas na kamo gikan sa sala ug nahimo nang mga ulipon sa Dios, ang bunga nga inyong nakuha mao ang pagkabalaan ug ang sangpotan niini mao ang kinabuhing dayon.

Tito 3:3

Kay kaniadto kita usab mga walay kahibalo, mga masukihon, nahisalaag, nagpaulipon sa nagkalainlaing mga pangibog ug mga kahilayan, nagkinabuhi diha sa daotan ug kasina, gidumtan sa mga tawo ug nagdumtanay sa usa ug usa.