Lucas 15:13

Ang Biblia 2011

Human sa pipila ka adlaw, gihipos sa manghod ang tanan nga iyaha ug milakaw ngadto sa layong dapit, ug didto iyang giusik-usikan ang iyang katigayonan pinaagi sa pagkinabuhi nga mapatuyangon.

Cross References

Salmo 73:27

Kay tan-awa, sila nga nagpalayo kanimo mangahanaw; gilaglag nimo silang tanan nga malimbongon kanimo.

Mga Panultihon 18:9

Siya nga tapolan sa iyang buhat igsoon niadtong naglaglag.

Mga Panultihon 21:17

Siya nga mahigugma sa kalingawan mahimong kabos nga tawo; siya nga mahigugma sa bino ug lana dili maadunahan.

Mga Panultihon 21:20

Bililhon nga bahandi ug lana anaa sa puluy-anan sa tawong maalamon, apan ang usa ka tawong buangbuang maglamoy niini.

Mga Panultihon 27:8

Sama sa usa ka langgam nga nasaag gikan sa iyang salag ang usa ka tawo nga nasaag gikan sa iyang balay.

Mga Panultihon 28:7

Siya nga nagtuman sa Balaod anak nga maalamon, apan ang kauban sa mga palakaon nagpakaulaw sa iyang amahan.

Mga Panultihon 29:3

Siya nga nahigugma sa kaalam naghimo sa iyang amahan nga malipayon, apan siya nga nakig-uban sa mga babayeng nagbaligya sa ilang dungog nag-usik sa iyang katigayonan.

Mga Panultihon 6:26

kay ang usa ka babaye nga nagbaligya sa iyang dungog mahimong suholan ug usa ka buok pan apan ang babayeng mananapaw mangita sa bililhon nga kinabuhi sa usa ka tawo.

Isaias 1:4

Ah, makasasala nga nasod, usa ka katawhan nga napuno sa kasal-anan, usa ka kaliwat sa mga tigbuhat ug daotan, mga anak nga nagpatigayon sa kangil-ad! Ilang gibiyaan ang Ginoo, gitamay nila ang Balaan sa Israel, sila nahimulag gayod.

Isaias 22:13

ug tan-awa, kalipay ug kasadya, ang pagpatay ug mga baka ug pag-ihaw ug mga karnero, ang pagkaon ug unod ug pag-inom ug bino. “Mangaon kita ug manginom, kay ugma mangamatay kita.”

Isaias 30:11

pahawa kamo sa agianan, tipas kamo gikan sa dalan, ayaw na kami papamatia sa Balaan sa Israel.”

Isaias 56:12

“Dali ngari,” nag-ingon sila, “magkuha kita ug bino, ug tagbawon nato ang atong kaugalingon sa isog nga ilimnon; ug ugma mahisama niining adlawa, dako nga dili masukod.”

Jeremias 2:13

kay ang akong katawhan nakahimo ug duha ka kadaotan: sila mibiya kanako, ang tuboran sa mga tubig nga buhi, ug nagkalot ug mga tigomanan ug tubig alang sa ilang kaugalingon, mga tigomanan ug tubig nga may liki nga dili kasudlan ug tubig.

Jeremias 2:31

O kaliwatan, pamatia ang pulong sa Ginoo. Kamingawan ba ako alang sa Israel, o usa ba ka yuta sa hilabihan nga kangitngit? Nganong nag-ingon man ang akong katawhan, ‘Kami gawasnon, dili na kami moduol kanimo’?

Jeremias 2:5

Mao kini ang gisulti sa Ginoo: “Unsay sayop nga nakita sa inyong mga katigulangan kanako, nga mipalayo man sila gikan kanako, ug misunod sa kakawangan, ug nangahimong kawang?

Miqueas 6:3

“O akong katawhan, unsay akong nabuhat kanimo? Diin man ako makapalaay kanimo? Tubaga ako!

Lucas 15:12

ug ang manghod miingon sa iyang amahan, ‘Amahan ko, ihatag kanako ang akong bahin sa kabtangan.’ Ug iyang gibahin ang iyang kabtangan ngadto sa matag usa kanila.

Lucas 15:14

Ug sa nagasto na niya ang tanan, miabot ang usa ka dakong gutom niadtong yutaa, ug siya misugod sa pagbati sa kawalad-on.

Lucas 15:30

Apan sa pag-abot niining imong anak nga milamoy sa imong katigayonan kauban sa mga babayeng nagbaligya sa ilang dungog, giihaw nimo alang kaniya ang nating baka nga gipatambok!’

Lucas 16:1

Si Jesus miingon usab sa iyang mga tinun-an, “Dihay usa ka tawong dato nga may piniyalan, ug may mga sumbong nga gidala ngadto kaniya nga ang iyang katigayonan giusik-usikan sa iyang piniyalan.

Lucas 16:19

“Dihay usa ka tawong dato nga nagbisti ug mahalong panapton nga tapol ug pino nga lino ug nagkaon sa makabuhong nga pagkaon matag adlaw.

Mga Taga-Efeso 2:13

Apan karon, diha kang Cristo Jesus, kamo nga kaniadto layo, karon gipaduol na pinaagi sa dugo ni Cristo.

Mga Taga-Efeso 2:17

Ug sa iyang pag-anhi, siya nagsangyaw sa maayong balita sa pakigdait nganha kaninyo nga kaniadto layo ug sa pakigdait ngadto kanila nga duol,

2 Pedro 2:13

makadawat ug kadaot balos sa ilang daotang binuhatan. Alang kanila ang kalipay mao ang paghudyaka panahon sa adlaw. Sila mga buling ug mansa, naghudyaka diha sa pagpanglimbong samtang nakigsalo sila uban kaninyo.