Lucas 14:32

Ang Biblia 2011

Ug kon dili man, samtang ang usa atua pa sa layo, magsugo siya ug mensahero sa paghangyo kaniya ug kasabotan sa kalinaw.

Cross References

Job 40:9

Aduna ka bay bukton sama sa Dios, ug makapadalugdog ba ikaw ug tingog sama kaniya?

Mateo 5:25

Pakighigala dayon sa imong magsusumbong samtang nagkuyog pa kamo sa dalan kay tingali unya ug itugyan ikaw sa imong magsusumbong ngadto sa maghuhukom ug ang maghuhukom magtugyan kanimo ngadto sa bantay ug bilanggoon ikaw.

Mateo 5:42

Hatagi ang nagpakilimos kanimo ug ayaw balibari ang buot mohulam kanimo.

Lucas 12:58

Samtang nakigkuyog ikaw sa imong magsusumbong padulong sa atubangan sa pangulo, paningkamoti ang pagpakighusay kaniya diha sa dalan kay tingali unya ug dad-on ka niya ngadto sa maghuhukom, ug ang maghuhukom magtugyan kanimo ngadto sa tinugyanan ug ang tinugyanan magbanlod kanimo sa bilanggoan.

Lucas 14:31

O kinsa bang haria nga sa iyang pagpakiggubat batok sa laing hari, dili una molingkod ug magpatambag kon makahimo ba siya uban sa napulo ka libo ka tawo sa pag-atubang batok kaniya nga misulong nga may 20,000 ka tawo?

Lucas 14:33

Busa si bisan kinsa kaninyo nga dili mobiya sa tanan nga anaa kaniya, dili mahimo nga akong tinun-an.

Lucas 19:14

Apan ang iyang mga katagilungsod nagdumot kaniya, ug siya ilang gipasundan ug mga tawo aron sa pag-ingon, ‘Dili kami buot nga maoy maghari kanamo kining tawhana.’

Mga Buhat 12:20

Unya si Herodes nasuko pag-ayo sa mga taga-Tiro ug sa mga taga-Sidon. Busa sila miadto kaniya nga nagkahiusa ug human nila madani si Blasto nga tig-atiman sa lawak sa hari, sila mihangyo nga makigdait sa hari kay ang gisaligan sa ilang nasod alang sa pagkaon mao man ang nasod sa hari.