Lucas 14:23

Ang Biblia 2011

Ang agalon miingon, ‘Lakaw ngadto sa kadalanan ug sa kasuokan ug pugsa ang mga tawo sa pag-anhi aron mapuno kining akong balay.

Cross References

Salmo 110:3

Ang imong katawhan mahinangpon nga maghalad sa ilang kaugalingon sa adlaw nga ikaw mangulo sa imong kasundalohan, diha sa balaan nga bukid. Gikan sa tagoangkan sa kabuntagon, sama sa yamog ang imong kabatan-on moabot kanimo.

Salmo 98:3

Siya nahinumdom sa iyang gugmang walay paglubad ug sa iyang pagkamatinumanon ngadto sa panimalay ni Israel. Ang tanang mga kinatumyan sa yuta nakakita sa kadaogan sa atong Dios.

Isaias 11:10

Nianang adlawa ang gamot ni Jesse magtindog ingon nga usa ka bandila sa mga katawhan. Kaniya mangita ang mga nasod, ug ang iyang puluy-anan mahimong mahimayaon.

Isaias 27:13

Ug nianang adlawa ang usa ka dakong trumpeta patingogon, ug kadtong mga nangawala sa yuta sa Asiria ug kadtong giabog ngadto sa yuta sa Ehipto manganhi ug magsimba sa Ginoo diha sa balaang bukid sa Jerusalem.

Malaquias 1:11

Kay gikan sa pagsubang sa adlaw bisan hangtod sa pagsalop niini, ang akong ngalan bantogan taliwala sa kanasoran ug sa matag dapit ang insenso ihalad alang sa akong ngalan, ug ang ulay nga halad, kay ang akong ngalan bantogan taliwala sa kanasoran, nag-ingon ang Ginoo sa mga panon.

Mateo 21:43

Busa sultihan ko kamo nga ang gingharian sa Dios kuhaon gikan kaninyo ug ihatag ngadto sa usa ka nasod nga namunga sa mga bunga niini. [

Mateo 5:41

ug kon may mopugos kanimo sa pagpauban kaniya ug usa ka milya, ubani siya ug duha ka milya.

Lucas 14:22

Unya ang sulugoon miingon, ‘Ginoo, nabuhat na nako ang imong gisugo, apan aduna pa gihapoy mga bakanteng dapit.’

Lucas 14:24

Kay sultihan ko kamo, walay bisan usa niadtong mga dinapit nga makatilaw sa akong kombira.’ ”

Lucas 24:29

apan gihawiran siya nila nga nag-ingon, “Pabilin uban kanamo, kay hapit na ang gabii ug tapos na ang adlaw.” Busa siya misulod ug mipabilin uban kanila.

Mga Buhat 16:15

Ug sa nabautismohan na siya kauban sa iyang panimalay, mihangyo siya kanamo nga nag-ingon, “Kon inyo akong gihukman nga matinud-anon sa Ginoo, adto kamo abot sa akong balay.” Ug siya namugos kanamo.

Mga Buhat 18:6

Ug sa diha nga misupak sila ug mibiaybiay kaniya, giyabyab niya ang iyang mga bisti ug miingon siya kanila, “Ang inyong dugo paninglon diha sa inyong mga ulo! Ako hinlo ug sukad karon moadto na ako sa mga Gentil.”

Mga Buhat 28:28

Busa hibaloi ninyo nga kining maong kaluwasan nga gikan sa Dios gipadala na ngadto sa mga Gentil; sila mamati niini.”

Mga Buhat 9:15

Apan ang Ginoo miingon kaniya, “Lakaw, kay siya akong pinili nga galamiton sa pagdala sa akong ngalan sa atubangan sa mga Gentil ug sa mga hari ug sa katawhan sa Israel,

Roma 10:18

Apan mangutana ako, wala ba sila makadungog? Oo, nakadungog sila, kay “Ang ilang tingog milanog ngadto sa tibuok yuta, ug ang ilang mga pulong ngadto sa mga kinatumyan sa kalibotan.”

2 Mga Taga-Corinto 5:11

Busa sa nasayran namo ang pagkahadlok sa Ginoo, kami nangdani sa mga tawo. Hinuon, kami nasayran na sa Dios, ug ako naglaom nga kini masayran usab sa inyong mga tanlag.

2 Mga Taga-Corinto 5:20

Tungod kang Cristo kami mga pinadala, sama nga ang Dios naghangyo pinaagi kanamo. Alang kang Cristo, naghangyo kami kaninyo, pasig-uli kamo ngadto sa Dios.

2 Mga Taga-Corinto 6:1

Busa ingon nga mga kaubang magbubuhat diha sa Dios, naghangyo usab kami kaninyo nga dili ninyo dawaton ang grasya sa Dios sa walay kapuslanan.

Mga Taga-Colosas 1:23

kon kamo magpadayon gayod sa pagtuo, dili matarog ug lig-on ug dili mobulag sa paglaom sa Maayong Balita nga inyong nadungog nga giwali ngadto sa tanang mga binuhat ilalom sa langit ug nga niini ako, si Pablo, nahimong alagad.

Mga Taga-Colosas 1:28

Siya mao ang among gisangyaw sa among pagpasidaan sa tanang mga tawo ug sa among pagpanudlo sa tanang mga tawo diha sa tanang kaalam, aron among ikapaatubang silang tanan ingon nga mga hamtong diha kang Cristo.

2 Timoteo 4:2

iwali ang pulong, pagmadasigon maayo man ang kahigayonan o dili; himoa ang pagpamadlong, ang pagpasidaan ug ang pagpangdasig diha sa tanang pagkamainantoson ug sa pagpanudlo.