Lucas 14:21

Ang Biblia 2011

Unya ang ulipon mipauli ug misugilon niini ngadto sa iyang agalon. Ug uban sa kasuko ang tagbalay miingon sa iyang ulipon, ‘Lakaw dayon ngadto sa mga kadalanan ug mga agianan sa lungsod, ug dad-a dinhi ang mga kabos, mga bakol, mga buta ug ang mga piang.’

Cross References

Salmo 2:12

halok sa iyang tiil, aron siya dili masuko ug mangahanaw kamo diha sa dalan; kay ang kapungot niya dali rang mosilaob. Bulahan ang tanan nga modangop diha kaniya.

Salmo 38:7

Kay ang akong hawak napuno sa kainit; ug walay kaayohan sa akong unod.

Isaias 33:23

Ang imong mga banting giluagan; kini dili makapalig-on sa ugbokanan sa palo niini, o makabukhad sa layag. Unya ang tukbonon ug ang inilog nga daghan mabahin, bisan ang piang makakuha sa tukbonon.

Isaias 35:6

unya ang piang molukso sama sa lagsaw, ug ang dila sa amang mag-awit sa kalipay. Kay ang katubigan mogula diha sa kamingawan, ug ang kasapaan diha sa disyerto;

Jeremias 5:1

Dagan ngadto ug nganhi diha sa kadalanan sa Jerusalem, tan-awa ug hibaloi! Pangitaa diha sa mga hawan nga dapit niini kon makakita ba kamo ug usa ka tawo nga nagbuhat sa hustisya ug nangita sa kamatuoran; aron ako magpasaylo sa Jerusalem.

Zacarias 11:11

Ug kini napapas niadtong adlawa, ug ang mga tigbaligya ug karnero nga nagbantay uban kanako, nahibalo nga kadto pulong sa Ginoo.

Zacarias 11:7

Busa nahimo akong tigbantay sa mga karnero nga ihawonon alang niadtong mga tigbaligya ug karnero. Ug mikuha ako ug duha ka sungkod, ang usa akong ginganlan ug Grasya, ug ang usa ginganlan nako ug Panaghiusa. Ug akong giatiman ang mga karnero.

Mateo 11:28

Duol kanako, kamong tanan nga nagbudlay ug nabug-atan ug papahulayon ko kamo.

Mateo 11:5

ang mga buta makakita na ug ang mga bakol makalakaw na ug ang mga sanlahon nahinloan ug ang mga bungol makabati na ug ang mga patay gipamanhaw ug ang mga kabos giwalihan sa Maayong Balita.

Mateo 15:12

Unya ang mga tinun-an miduol ug miingon kaniya, “Nasayod ba ikaw nga ang mga Pariseo gisakitan sa ilang pagkadungog sa imong gisulti?”

Mateo 18:31

Ug sa pagkakita sa ubang mga ulipon sa nahitabo, nasubo sila pag-ayo ug nangadto sila sa ilang agalon ug gisuginlan nila siya sa tanang nahitabo.

Mateo 20:7

Miingon sila kaniya, ‘Kay wala may misuhol kanamo.’ Ug siya miingon kanila, ‘Pangadto usab kamo sa parasan.’

Lucas 14:13

Apan sa dihang maghatag ikaw ug kombira, maoy dapita ang mga kabos, ang mga bakol, ang mga piang, ang mga buta,

Lucas 14:20

Ug may laing usa pa nga miingon, ‘Bag-o lang ako nga naminyo, busa dili ako makaadto.’

Lucas 14:22

Unya ang sulugoon miingon, ‘Ginoo, nabuhat na nako ang imong gisugo, apan aduna pa gihapoy mga bakanteng dapit.’

Lucas 14:24

Kay sultihan ko kamo, walay bisan usa niadtong mga dinapit nga makatilaw sa akong kombira.’ ”

Lucas 24:47

ug nga sa iyang ngalan, ang paghinulsol ug pagpasaylo sa mga sala kinahanglang iwali ngadto sa tanang kanasoran, sugod sa Jerusalem.

Lucas 9:10

Sa pagbalik na sa mga apostoles, ilang gisugilon kaniya ang ilang mga nabuhat. Ug gidala niya sila ug mipahilit ngadto sa usa ka lungsod nga ginganlan ug Betsaida.

Juan 9:39

Unya si Jesus miingon, “Ako mianhi niining kalibotana aron sa paghukom, aron kadtong mga dili makakita, makakita na ug kadtong mga makakita mangabuta.”

Mga Hebreo 13:17

Pagmasinugtanon kamo sa inyong mga pangulo, ug pagpailalom kamo kanila, kay sila nagtukaw alang sa inyong mga kalag, ingon nga sila mga tawo nga unya maghatag ug husay, aron ang ilang buluhaton himoon nila uban sa kalipay, dili uban sa kasubo, kay kini dili man makahatag kaninyo ug kaayohan.

Mga Hebreo 2:3

unsaon man nato sa pag-ikyas kon dili kita manumbaling sa maong dako kaayong kaluwasan? Kini sa sinugdan gipamulong sa Ginoo, ug unya nganhi kanato gipamatud-an nila nga mga nakadungog kaniya.

Santiago 2:5

Paminaw, hinigugma nakong mga igsoon. Dili ba gipili man sa Dios ang mga kabos dinhi sa kalibotan aron mahimong dato sa pagtuo ug mga manununod sa gingharian nga iyang gisaad sa mga nahigugma kaniya?

Gipadayag 19:15

Gikan sa iyang baba migula ang usa ka hait nga espada nga maoy iyang itigbas sa kanasoran, ug siya magmando kanila pinaagi sa bunal nga puthaw, magpigis siya sa pigsanan sa bangis nga kapungot sa Dios nga Makagagahom sa Tanan.

Gipadayag 22:17

Ang Espiritu ug ang Pangasaw-onon nag-ingon, “Dali ngari.” Ug siya nga namati paingna, “Dali ngari.” Ug ang giuhaw paaria, ang may tinguha paimna nga walay bayad sa tubig sa kinabuhi.

1 Samuel 2:8

Siya magbangon sa kabos gikan sa abog; siya magtuboy sa timawa gikan sa tapok sa abo, aron palingkoron sila uban sa mga pangulo, ug manunod sa trono sa himaya. Kay ang mga haligi sa yuta iya sa Ginoo, ug diha niini iyang gipahimutang ang kalibotan.

1 Samuel 25:12

Busa ang mga batan-ong lalaki ni David mitalikod ug mibalik ug misugilon kaniya sa tanan.