Lucas 14:13

Ang Biblia 2011

Apan sa dihang maghatag ikaw ug kombira, maoy dapita ang mga kabos, ang mga bakol, ang mga piang, ang mga buta,

Cross References

2 Samuel 6:19

ug siya nanghatag ngadto sa tibuok katawhan, sa tibuok nga panon sa Israel, mga lalaki ug mga babaye, ngadto sa matag usa, usa ka haon nga pan ug usa ka tipik nga unod, ug usa ka torta nga pasas. Unya ang tibuok katawhan namauli ngadto sa ilang balay.

2 Cronicas 30:24

Kay si Hesekias nga hari sa Juda mihatag sa katilingban ug usa ka libo ka torong baka ug pito ka libo ka karnero ingon nga halad ug ang mga pangulo mihatag sa katilingban ug usa ka libo ka torong baka ug napulo ka libo ka karnero. Ug daghan ang mga pari nga nagbalaan sa ilang kaugalingon.

Nehemias 8:10

Unya siya miingon kanila, “Padayon kamo; kan-a ang tambok ug imna ang tam-is nga bino ug pagpadala ug mga bahin kaniya nga walay giandam kay kining adlawa balaan alang sa atong Ginoo. Ug ayaw kasubo kay ang kalipay sa Ginoo maoy inyong kusog.”

Nehemias 8:12

Ug ang tanang katawhan namauli aron sa pagkaon ug sa pag-inom, ug sa pagpadala ug mga bahin ug sa paghimo ug dagkong kalipay tungod kay sila nakasabot sa mga pulong nga gipahayag ngadto kanila.

Job 29:13

Ang panalangin niadtong duol sa kamatayon miabot kanako, ug ang kasingkasing sa biyuda gipaawit nako sa kalipay.

Mga Panultihon 14:31

Siya nga nagdaogdaog sa kabos nagtamay sa iyang Magbubuhat, apan siya nga may kaluoy sa nanginahanglan nagtahod kaniya.

Mga Panultihon 22:9

Siya nga manggihatagon panalanginan, kay nagpaambit siya sa iyang pan ngadto sa kabos.

Isaias 58:10

kon ibubo nimo ang imong kalag ngadto sa gigutom ug tagbawon ang tinguha sa mga sinakit, ang imong kahayag mosubang sa kangitngitan, ug ang imong kadulom mahimong sama sa kaudtohan.

Isaias 58:7

Dili ba kini mao ang pagpaambit sa imong pan ngadto sa gigutom, ug pagdala sa kabos nga walay balay ngadto sa imong balay; sa diha nga ikaw makakita sa hubo, imo siyang bistihan, ug nga ikaw dili magtago gikan sa imong kaugalingon nga kadugo?

Mateo 15:30

Ug miduol kaniya ang dakong panon sa katawhan nga nagdala ug mga bakol, mga kimay, mga buta, mga amang ug uban pa. Gibutang sila diha sa tiilan ni Jesus ug iyang giayo sila

Mateo 22:10

Ug ang mga ulipon miadto sa kadalanan ug ilang gitigom ang tanan nga ilang gikatagbo, mga daotan ug mga maayo. Ug ang kombira sa kasal napuno sa mga dinapit.

Lucas 11:41

Apan ilimos ninyo kanang anaa sa sulod, ug tan-awa, ang tanan mahinlo alang kaninyo.

Lucas 14:12

Ug siya miingon usab sa tawo nga nagdapit kaniya, “Sa dihang maghatag ikaw ug dakong paniudto o panihapon, ayaw dapita ang imong mga higala o ang imong mga igsoon o ang imong mga kabanay o ang mga dato nga silingan, basin ug mobalos sila sa pagdapit kanimo ug unya mabalosan ka.

Lucas 14:14

ug mabulahan ikaw tungod kay sila dili man makabalos kanimo. Balosan ka ra unya sa panahon nga banhawon ang mga matarong.”

Lucas 14:21

Unya ang ulipon mipauli ug misugilon niini ngadto sa iyang agalon. Ug uban sa kasuko ang tagbalay miingon sa iyang ulipon, ‘Lakaw dayon ngadto sa mga kadalanan ug mga agianan sa lungsod, ug dad-a dinhi ang mga kabos, mga bakol, mga buta ug ang mga piang.’

Mga Buhat 9:39

Busa si Pedro mitindog ug miuban kanila. Ug sa iyang pag-abot, gidala siya nila ngadto sa lawak sa itaas ug nag-alirong kaniya ang tanang mga biyuda nga nanghilak ug nagpakita kaniya sa mga kamisola ug mga bisti nga binuhat ni Dorcas samtang uban pa siya kanila.

Deuteronomio 14:29

Ug ang Levihanon, kay wala man siyay bahin o panulundon uban kaninyo, ug ang langyaw ug ang wala nay amahan ug ang biyuda nga anaa sa inyong mga lungsod moanha ug mokaon ug mabusog, aron ang Ginoo nga inyong Dios magpanalangin kaninyo sa tanang buhat sa inyong mga kamot nga inyong gibuhat.

Deuteronomio 16:11

Ug paglipay kamo sa atubangan sa Ginoo nga inyong Dios, kamo ug ang inyong anak nga lalaki ug ang inyong anak nga babaye, ang inyong ulipon nga lalaki ug ang inyong ulipon nga babaye, ang Levihanon nga anaa sa inyong mga lungsod, ug ang langyaw, ug ang wala nay amahan ug ang biyuda nga anaa uban kaninyo, didto sa dapit nga pilion sa Ginoo nga inyong Dios aron papuy-an sa iyang ngalan.

Deuteronomio 16:14

Ug paglipay kamo sa inyong pagsaulog, kamo ug ang inyong anak nga lalaki, ug ang inyong anak nga babaye ug ang inyong ulipon nga lalaki ug ang inyong ulipon nga babaye, ang Levihanon, ang langyaw, ang wala nay amahan ug ang biyuda nga anaa sa inyong mga lungsod.

1 Timoteo 3:2

Ang pangulo sa iglesia kinahanglan nga dili salawayon, bana sa usa ka asawa, mapinugnganon sa kaugalingon, buotan, ligdong, maabiabihon, maayo sa pagpanudlo,

1 Timoteo 5:10

namatud-an nga maayo ug binuhatan, kon nagmatuto ug mga anak, nagpakita sa pagkamaabiabihon, nanghugas sa mga tiil sa mga balaan, nagtabang sa mga nagkalisodlisod, ug nagmakugihon sa pagbuhat ug maayo sa tanang paagi.

Tito 1:8

kondili maabiabihon, mahigugmaon sa maayo, mabuot, matarong, putli, mapinugnganon sa kaugalingon,

Filemon 1:7

Kay akong nabatonan ang dakong kalipay ug kadasig tungod sa imong gugma nga ang kasingkasing sa mga balaan nadasig pinaagi kanimo, igsoon.

Mga Hebreo 13:2

Ayaw ninyo kalimti ang pag-abiabi sa mga dumuduong, kay pinaagi niini adunay nakaalagad ug mga anghel nga wala lang nila hibaloi.