Lucas 13:8

Ang Biblia 2011

Siya mitubag kaniya, ‘Ginoo, pasagdi lang kini niining tuiga usab, hangtod nga ako makakalot libot niini ug makabutang ug abuno.

Cross References

Salmo 106:23

Busa siya miingon nga laglagon niya sila— kon si Moises nga iyang pinili wala pa motindog sa atubangan niya aron sa pagpugong sa iyang kapungot, aron dili sila malaglag.

Exodo 34:9

Siya miingon, “Kon karon nakakaplag ako ug kahimuot diha sa imong panan-aw, O Ginoo, paubana ang Ginoo kanamo bisan ug kini nga katawhan tikig ug liog ug pasayloa ang among pagkadaotan ug ang among sala, ug dawata kami ingon nga imong panulundon.”

Jeremias 15:1

Unya miingon ang Ginoo kanako, “Bisan pa ug si Moises ug si Samuel mitindog sa akong atubangan, ang akong kasingkasing dili gayod molingi niini nga katawhan. Papahawaa sila gikan sa akong panan-aw ug palakta sila!

Jeremias 18:20

Ang daotan balos ba sa maayo? Apan sila nagkalot ug gahong alang sa akong kalag. Hinumdomi nga ako mitindog sa imong atubangan aron sa pagsulti ug maayo alang kanila, aron ipalikay ang imong kaligutgot gikan kanila.

Joel 2:17

Pahilaka ang mga pari, ug ang mga alagad sa Ginoo, taliwala sa agianan sa templo ug sa halaran ug ipaingon kanila, “Sayloi ang imong katawhan, O Ginoo, ug ayaw himoa nga talamayon ang imong panulondon, pagya diha sa mga nasod. Ngano nga moingon man sila sa taliwala sa mga katawhan, ‘Hain man ang ilang Dios?’ ”

Lucas 13:7

Ug siya miingon sa tig-atiman sa parasan, ‘Tan-awa, sulod sa tulo ka tuig na nga ako mag-anhian sa pagpangita ug bunga niining kahoyng igera apan wala akoy nakaplagan. Putla kini. Nganong mag-usik pa man kini sa yuta?’

Lucas 13:9

Ug kon mamunga kini sa sunod tuig, maayo. Apan kon dili, mahimo nga imong putlon.’ ”

Lucas 14:35

Kini dili na gayod mapuslan bisan pa ug alang sa yuta o alang sa pag-abuno, ilabay na lang kini sa mga tawo. Ang may mga dalunggan nga makabati kinahanglang mamati.

Roma 10:1

Mga igsoon, ang tinguha sa akong kasingkasing ug ang akong pag-ampo ngadto sa Dios alang kanila mao nga mangaluwas unta sila.

Roma 11:14

aron mapasina nako ang akong mga isigka-Judio, basin pa lamang nga maluwas ang uban kanila.

2 Pedro 3:9

Sa iyang saad ang Ginoo dili langaylangayan, nianang paglangaylangay nga gihunahuna sa uban. Apan siya mapailobon hinuon kaninyo, dili buot nga adunay mahanaw kondili nga ang tanan makakab-ot unta sa paghinulsol.