Lucas 13:35

Ang Biblia 2011

Tan-awa, gibiyaan ang inyong balay. Ug sultihan ko kamo nga dili na kamo makakita kanako hangtod nga moingon kamo, ‘Bulahan ang mianhi sa ngalan sa Ginoo!’ ”

Cross References

Salmo 118:26

Bulahan siya nga moabot diha sa ngalan sa Ginoo! Kami magdayeg kanimo gikan sa balay sa Ginoo.

Salmo 69:25

Mahimo unta nga biniyaan ang ilang kampo; ayaw itugot nga may magpuyo sa ilang mga tolda.

Isaias 52:7

Pagkatahom ibabaw sa kabukiran sa mga tiil niadtong nagdala sa maayong balita, nga nagmantala sa pakigdait, nga nagdala ug maayong balita sa kaayohan, nga nagmantala sa kaluwasan, nga nag-ingon sa Zion, “Ang imong Dios naghari.”

Jeremias 22:5

Apan kon kamo dili motuman niining pulonga, ako manumpa sa akong kaugalingon, nag-ingon ang Ginoo, nga kining balaya mahimong biniyaan.

Jeremias 35:17

Busa mao kini ang giingon sa Ginoo, ang Dios sa mga panon, ang Dios sa Israel: Ania, ako nagdala sa tanang kadaotan nga gisulti nako batok sa Juda ug sa tanang mga nagpuyo sa Jerusalem kay ako misulti kanila, apan sila wala mamati; ug ako nagtawag kanila, apan wala sila motubag.”

Miqueas 3:12

Busa tungod kaninyo ang Zion darohon sama sa usa ka uma; ang Jerusalem mahimong tapok sa mga ginuba, ug ang bukid sa balay mahimong bungtod nga kakahoyan.

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Zacarias 14:2

Kay tigomon nako ang tanang mga nasod aron sa pagpakiggubat batok sa Jerusalem ug ang siyudad mailog, ug ang mga balay panglungkabon ug ang mga babaye panglugoson. Ang katunga sa siyudad mahiadto sa pagkabinihag apan ang nahibilin sa katawhan dili puohon gikan sa siyudad.

Mateo 21:9

Ug ang mga panon sa katawhan nga nag-una ug nagsunod kaniya naninggit nga nag-ingon, “Hosanna, sa Anak ni David! Dalaygon ang mianhi sa ngalan sa Ginoo! Hosanna sa kahitas-an!”

Mateo 23:37

“O Jerusalem, Jerusalem nga nagpatay sa mga propeta ug nagbato sa mga pinadala nganha kanimo! Sa makadaghan gipangandoy nako ang pagtigom unta sa imong mga anak, sama sa himungaan nga nagtigom sa iyang mga piso ilalom sa iyang mga pako, apan nagdumili kamo!

Lucas 19:41

Ug sa nagkaduol na siya ug sa pagkakita niya sa siyudad, siya mihilak tungod niini

Lucas 21:24

Sila mangamatay sa sulab sa espada ug bihagon sila ngadto sa tanang kanasoran, ug ang Jerusalem tamakan sa mga Gentil hangtod matuman na ang mga panahon sa mga Gentil.

Juan 12:13

Busa nanguha sila ug mga palwa sa palmera ug nangadto sila aron sa pagsugat kaniya ug naninggit, “Hosanna! Dalaygon ang mianhi sa ngalan sa Ginoo, ang Hari sa Israel!”