Lucas 13:25

Ang Biblia 2011

Sa diha nga ang tagbalay nakatindog na ug nakatak-op na sa pultahan, kamo magsugod sa pagtindog sa gawas ug sa pagtuktok sa pultahan nga mag-ingon, ‘Ginoo, ablihi kami.’ Motubag siya kaninyo, “Wala ako mahibalo kon taga diin kamo.”

Cross References

Genesis 7:16

Ug ang mga nanulod, ang laki ug baye sa tanan nga unod, nanulod sumala sa sugo sa Dios kaniya, ug gitak-opan siya sa Ginoo didto sa sulod.

Salmo 32:6

Tungod niini ang matag usa nga diosnon mag-ampo kanimo; sa panahon sa kalisdanan, ang dakong baha sa tubig, dili sila makaabot kaniya.

Isaias 55:6

“Pangitaa ang Ginoo samtang makaplagan pa siya, sangpita siya samtang anaa pa siya sa duol;

Mateo 25:41

“Unya ang Hari moingon kanila nga diha sa iyang wala, ‘Pahawa gikan kanako, kamong mga tinunglo, ngadto sa kalayong walay kataposan nga gitagana alang sa yawa ug sa iyang mga anghel,

Lucas 13:27

Apan siya moingon, ‘Sultihan ko kamo, wala ako mahibalo kon taga diin kamo. Pahawa kamo gikan kanako, kamong tanan nga tigbuhat ug daotan!’

Lucas 3:8

Pamunga hinuon kamo ug mga bunga nga angay sa paghinulsol; ug ayaw kamo pagsugod sa pag-ingon sa inyong kaugalingon, ‘Si Abraham among amahan,’ kay sultihan ko kamo nga ang Dios makahimo sa pagpatungha ug mga anak alang kang Abraham gikan niining mga bato.

Lucas 6:46

“Nganong nagtawag man kamo kanako ug ‘Ginoo, Ginoo,’ apan wala magbuhat sa akong gisulti?

2 Mga Taga-Corinto 6:2

Kay siya nag-ingon; “Sa panahon nga gikahimut-an ako namati kanimo, ug sa adlaw sa kaluwasan ako mitabang kanimo.” Tan-awa, karon mao ang adlaw nga gikahimut-an; tan-awa, karon mao ang adlaw sa kaluwasan.

Mga Hebreo 12:17

Kay kamo nasayod nga sa kaulahian, sa dihang gitinguha na niya ang pagpanunod sa panalangin, siya gisalikway, kay wala na siya makakita ug higayon sa paghinulsol bisan pa nga gipangita unta niya kini nga inubanan sa mga luha.