Lucas 13:19

Ang Biblia 2011

Kini sama sa usa ka liso sa mustasa nga gikuha sa usa ka tawo ug gipugas diha sa iyang tanaman ug kini mitubo ug nahimong kahoy, ug ang mga langgam sa langit nagsalag sa mga sanga niini.”

Cross References

Awit sa mga Awit 4:12

Usa ka tanaman nga tinak-opan ang akong igsoon, akong pangasaw-onon, usa ka tanaman nga tinak-opan, tuboran nga gitakpan.

Awit sa mga Awit 4:16

O hangin nga amihan, pagmata, ug dali ngari, O hangin nga habagat! Huros sa akong tanaman, aron ang kahumot niana mogula. Pasudla ang akong hinigugma sa iyang tanaman, ug pakan-a sa mga piniling bunga niini.

Awit sa mga Awit 6:2

Ang akong hinigugma miadto sa iyang tanaman, ngadto sa tanaman sa mga panakot, aron magpasibsib sa iyang panon sa mga karnero sulod sa mga tanaman, ug sa pagtigom ug mga liryo.

Awit sa mga Awit 8:13

O ikaw nga nagpuyo sa mga tanaman, ang akong mga kauban namati sa imong tingog; padungga ako niini.

Isaias 53:1

Kinsa bay mituo sa among nabatian? Ug kang kinsa man gipadayag ang bukton sa Ginoo?

Isaias 53:10

Apan kabubut-on sa Ginoo ang pagsamad kaniya; gisakit niya siya; sa diha nga gihimo niya ang iyang kaugalingon nga usa ka halad alang sa sala, makita niya ang iyang kaliwat, siya maglugway sa iyang mga adlaw; ug ang kabubut-on sa Ginoo mouswag diha sa iyang kamot;

Isaias 58:11

Ug ang Ginoo maggiya kanimo sa kanunay, ug magtagbaw sa imong tinguha pinaagi sa mga maayong butang, ug maghimo sa imong mga bukog nga lig-on; ug ikaw mahimong sama sa usa ka tanaman nga gipatubigan, sama sa usa ka tubod sa tubig, nga ang mga katubigan walay paghubas.

Isaias 61:11

Kay ingon nga ang yuta nagpagitib sa iyang turok, ug ingon nga ang tanaman nagpaturok sa mga gitisok niini, ang Ginoong Dios usab magpaturok sa pagkamatarong ug pagdayeg sa atubangan sa tanan nga kanasoran.

Isaias 9:7

Mahitungod sa kauswagan sa iyang kagamhanan ug sa pakigdait kini walay kataposan, ibabaw sa trono ni David ug ibabaw sa iyang gingharian, aron sa pagtukod niini, ug sa pagtuboy niini uban ang hustisya ug pagkamatarong sukad karon ug hangtod sa kahangtoran. Ang kadasig sa Ginoo sa mga panon maoy maghimo niini.

Jeremias 31:12

Busa sila manganhi ug sa kusog nga tingog mag-awit diha sa bungtod sa Zion, ug sila magsidlak tungod sa kaayo sa Ginoo, tungod sa trigo, sa bino ug sa lana, ug sa nati sa panon sa karnero ug sa baka; ang ilang kinabuhi mahisama sa usa ka tanaman nga binuboan ug tubig, ug sila dili na gayod magsubo pa.

Ezequiel 31:6

Ang tanang mga langgam sa kalangitan nagbuhat sa ilang mga salag diha sa mga sanga niini ug ilalom sa gagmayng sanga nanganak ang tanang mananap sa kapatagan; ilalom sa landong niini; nagpuyo ang tanang dagkong nasod.

Daniel 4:12

Ang mga dahon niini matahom ug daghan ang mga bunga niini, ug diha niini ang pagkaon alang sa tanan. Ang mga mananap sa kapatagan nakapasilong sa ilalom niini, ug ang mga langgam sa kalangitan nagpuyo sa mga sanga niini, ug ang tanang unod gipakaon gikan niini.

Daniel 4:21

nga ang mga dahon niini matahom ug ang bunga niini daghan ug diha niini ang pagkaon alang sa tanan, sa ilalom niini ang mga mananap sa kapatagan nagpasilong ug diin diha sa mga sanga ang mga langgam sa kalangitan nagpuyo,

Zacarias 2:11

Ug daghang mga nasod ang magtipon ngadto sa Ginoo nianang adlawa, ug mahimo nga akong katawhan, ug ako mopuyo sa taliwala nimo, ug ikaw makaila nga ang Ginoo sa mga panon maoy nagsugo kanako nganhi kanimo.

Mateo 17:20

Ug siya miingon kanila, “Tungod sa kagamay sa inyong pagtuo. Kay sa pagkatinuod, sultihan ko kamo, nga kon may pagtuo kamo nga sama sa liso sa mustasa, inyong ingnon kining bukira, ‘Balhin ngadto,’ ug kini mobalhin, ug walay dili mahimo alang kaninyo.”

Marcos 4:30

Siya miingon, “Sa unsa ba nato ikatandi ang gingharian sa Dios, o unsa bang sambingaya ang atong gamiton alang niini?

Lucas 17:6

Ang Ginoo miingon, “Kon kamo adunay pagtuo nga sama sa liso sa mustasa, makaingon kamo niining kahoy nga sikomoro, ‘Maibot ug matanom ka sa lawod,’ ug kini motuman kaninyo.

Mga Buhat 2:41

Ug unya gibautismohan kadtong mga midawat sa iyang pulong, ug niadtong adlawa may mga tulo ka libo ka tawo ang nadugang kanila.

Mga Buhat 21:20

Ug sa pagkadungog nila niini, ilang gidayeg ang Dios. Ug sila miingon kang Pablo, “Igsoon, nakita nimo kon pila ka linibo ka libo ang mga Judio nga mituo, ug silang tanan mainiton gayod sa balaod.

Mga Buhat 4:4

Apan daghan sa mga nakadungog sa pulong ang mituo ug ang gidaghanon sa mga lalaki miabot ug mga lima ka libo.

Roma 15:19

Pinaagi sa gahom sa mga milagro ug sa mga katingalahan, pinaagi sa gahom sa Espiritu sa Dios, nga tungod niana, natapos nako pagwali ang Maayong Balita mahitungod kang Cristo sukad sa Jerusalem hangtod sa kayutaan libot sa Ilirico.

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”