Lucas 12:16

Ang Biblia 2011

Ug iyang gisuginlan sila ug usa ka sambingay nga nag-ingon, “Ang yuta sa usa ka tawong adunahan naghatag ug daghang abot.

Cross References

Job 12:6

Ang mga tolda sa mga kawatan anaa sa kalinaw, ug kadtong mga naghagit sa Dios layo sa kakuyaw, nga nagdala sa ilang diosdios diha sa ilang kamot.

Job 24:23

Siya naghatag kanila ug kasigurohan ug gipaluyohan sila; ang iyang mga mata anaa sa ilang mga dalan.

Salmo 73:12

Tan-awa, kini mao ang mga daotan, anaa kanunay sa kaharuhay, sila miuswag sa mga bahandi.

Salmo 73:3

Kay nasina ako sa mga mapahitas-on, sa diha nga nakita nako ang kauswagan sa mga daotan.

Ezequiel 16:49

Mao kini ang kasal-anan sa imong igsoon nga Sodoma: siya ug ang iyang mga anak nga babaye adunay garbo, nanubra nga pagkaon ug mauswagong kasayon, apan wala motabang sa kabos ug sa nanginahanglan.

Oseas 2:8

Siya wala mahibalo nga ako ang naghatag kaniya sa trigo, sa bino ug sa lana, ug nagsangkap kaniya sa plata ug bulawan nga ilang gigamit alang sa Baal.

Mateo 13:8

Apan ang ubang mga binhi nahulog sa maayong yuta ug kini namunga, may namunga ug tagsa ka gatos ka pilo, ang uban 60 ug ang uban 30.

Mateo 5:45

aron mahimo kamong mga anak sa inyong Amahan nga anaa sa langit, kay siya nagpasubang sa iyang adlaw ngadto sa mga tawong daotan ug sa mga maayo ug nagpadala siya ug ulan ngadto sa mga matarong ug sa mga dili matarong.

Lucas 12:15

Ug siya miingon kanila, “Pagbantay kamo ug likayi ninyo ang tanang kahakog, kay ang kinabuhi sa tawo wala diha sa kadaghan sa iyang mga katigayonan.”

Lucas 12:17

Ug naghunahuna siya sa iyang kaugalingon nga nag-ingon, ‘Unsa may akong buhaton nga wala man akoy kahiposan sa akong mga abot?’

Mga Buhat 14:17

Apan wala niya pasagdi nga dili kapamatud-an ang iyang kaugalingon kay gibuhat man niya ang maayo ug gihatagan niya kamo ug ulan gikan sa langit ug mga panahon nga mabungahon, nagbusog sa inyong mga kasingkasing sa pagkaon ug kalipay.”