Lucas 12:1

Ang Biblia 2011

Sa maong higayon, sa nagkatigom ang linibo sa mga panon sa katawhan nga tungod niana nagkatinumbanay sila, si Jesus misugod sa pagsulti ngadto una sa iyang mga tinun-an, “Pagbantay kamo sa patubo sa pan sa mga Pariseo nga mao ang pagpakaaron-ingnon.

Cross References

2 Mga Hari 7:17

Gitudlo sa hari ang pangulo nga iyang sinaligan aron maoy magdumala didto sa ganghaan; ang katawhan mitunobtunob kaniya diha sa ganghaan ug siya namatay sumala sa gipamulong sa tawo sa Dios sa dihang miadto ang hari kaniya.

Job 20:5

nga ang paghimaya sa tawong daotan mubo ra, ug ang kalipay sa walay Dios usa lamang ka gutlo?

Job 27:8

Kay unsa man ang paglaom sa walay Dios sa dihang puohon siya sa Dios, sa dihang kuhaon sa Dios ang iyang kinabuhi?

Job 36:13

“Ang walay Dios diha sa iyang kasingkasing nagtigom ug kaligutgot; dili siya mangayo ug pakitabang sa diha nga siya maggapos kanila.

Isaias 33:14

Ang mga makasasala diha sa Zion nangahadlok; ang pagkurog mihakop sa mga mapasipalahon, “Kinsa ba kanato ang makapuyo uban sa kalayo nga naglamoy? Kinsa ba kanato ang makapuyo uban sa walay kataposan nga pagkasunog?”

Lucas 11:44

Alaot kamo, kay sama kamo sa mga lubong nga dili makita ug ang mga tawo nagtunob niini nga wala mahibalo.”

Lucas 12:56

Mga tigpakaaron-ingnon! Makamao kamong mohubad sa dagway sa yuta ug sa langit, apan nganong dili man kamo makamaong mohubad sa kapanahonan karon?

Lucas 5:1

Samtang ang mga tawo nagpunsisok libot kaniya aron sa pagpamati sa pulong sa Dios, nagtindog siya daplin sa lanaw sa Genesaret.

Lucas 5:15

Apan misamot pa hinuon pagkaylap ang balita mahitungod kaniya, ug midugok ang dagkong mga panon sa katawhan aron sa pagpamati ug aron mamaayo ang ilang mga balatian.

Lucas 6:17

Unya milugsong siya uban kanila ug mitindog sa usa ka dapit nga patag, kinuyogan sa usa ka dakong panon sa iyang mga tinun-an ug sa daghan kaayong mga tawo nga gikan sa tibuok Judea ug sa Jerusalem ug sa kabaybayonan sa Tiro ug Sidon. Miduol sila aron sa pagpamati kaniya ug sa pagpaayo sa ilang mga sakit,

Mga Buhat 21:20

Ug sa pagkadungog nila niini, ilang gidayeg ang Dios. Ug sila miingon kang Pablo, “Igsoon, nakita nimo kon pila ka linibo ka libo ang mga Judio nga mituo, ug silang tanan mainiton gayod sa balaod.

1 Mga Taga-Corinto 15:3

Kay gitugyan nako kaninyo ingon nga labing mahinungdanon sa tanan ang unsay nadawat nako, nga si Cristo namatay alang sa atong mga sala sumala sa kasulatan,

Mga Hebreo 12:22

Apan kamo midangat sa Bukid sa Zion ug sa lungsod sa Dios nga buhi, sa langitnon nga Jerusalem, ug sa mga libo ka libong mga anghel,

Santiago 3:17

Apan ang kaalam nga gikan sa kahitas-an una sa tanan putli, unya makidaiton, malumo, mamati ug katarongan, puno sa kaluoy ug sa mga maayong bunga, walay pinalabi ug dili tigpakaaron-ingnon.

1 Pedro 2:1

Busa, biniyaan ang tanang pagkadaotan ug ang tanang panglimbong ug pagpakaaron-ingnon ug kasina ug ang tanang pagpangdaot sa dungog,