Lucas 11:8

Ang Biblia 2011

Sultihan ko kamo, bisan ug dili siya mobangon sa paghatag kaniya ug bisan unsa tungod kay sila higala, apan tungod sa iyang mapugsanong hangyo mobangon na lang siya ug mohatag sa bisan unsa nga iyang gikinahanglan.

Cross References

Genesis 32:26

Ug siya miingon, “Buhii ako kay banagbanag na.” Apan mitubag kaniya si Jacob, “Dili ko ikaw buhian hangtod nga panalanginan nimo ako.”

Lucas 11:7

Ug siya motubag gikan sa sulod, ‘Ayaw ako ug samoka, ang pultahan gitakpan na ug ang akong mga bata ania na uban kanako sa higdaanan, dili ako makabangon sa paghatag kanimo ug bisan unsa’.

Roma 15:30

Naghangyo ako kaninyo, mga igsoon, pinaagi sa atong Ginoong Jesu-Cristo ug pinaagi sa gugma sa Espiritu, sa pagpanglimbasog uban kanako diha sa mga pag-ampo ngadto sa Dios tungod ug alang kanako,

2 Mga Taga-Corinto 12:8

Sa makatulo nag-ampo ako sa Ginoo mahitungod niini, nga unta iyang kuhaon kini gikan kanako,

Mga Taga-Colosas 2:1

Kay buot nako nga kamo masayod sa kadako sa akong panglimbasog alang kaninyo ug alang kanila sa Laodicea ug alang sa tanan nga wala makakita sa akong nawong diha sa lawas,

Mga Taga-Colosas 4:12

Nangumosta kaninyo si Epafras, nga usa sa mga kauban ninyo ug ulipon ni Cristo Jesus, sa kanunay gayod mainiton siya nga naglakip kaninyo sa iyang mga pag-ampo aron kamo magbarog nga hingpit ug may kasigurohan diha sa tibuok nga kabubut-on sa Dios.

Mga Maghuhukom 14:17

Siya mihilak sa iyang atubangan sulod sa pito ka adlaw sa ilang kombira. Sa ikapito nga adlaw, siya misugilon kaniya tungod kay gipugos man gayod siya pag-ayo. Ug iyang gisugilon ang tigmo ngadto sa iyang mga katagilungsod.

1 Samuel 1:12

Samtang nagpadayon siya sa pag-ampo atubangan sa Ginoo, gipanid-an ni Eli ang iyang baba.