Lucas 11:48

Ang Biblia 2011

Busa kamo diay mga saksi niini ug miuyon sa mga binuhatan sa inyong katigulangan, kay ilang gipatay ang mga propeta ug kamo nagbuhat sa ilang mga pantiyon.

Cross References

2 Cronicas 36:16

Apan sila nagpadayon sa pagbugalbugal sa mga sinugo sa Dios ug gitamay ang iyang mga pulong ug nagbugalbugal sa iyang mga propeta hangtod nga ang kapungot sa Ginoo misilaob batok sa iyang katawhan, hangtod nga wala nay mahimo.

Job 15:6

Ang imong kaugalingong baba naghukom kanimo, ug dili ako; ug ang imong kaugalingong mga ngabil nagpamatuod batok kanimo.

Salmo 64:8

Tungod sa ilang dila laglagon niya sila; ang tanan nga makakita kanila maglingolingo sa ilang mga ulo.

Ezequiel 18:19

“Apan kamo nag-ingon, ‘Ngano man nga ang anak dili magpas-an sa kasal-anan sa amahan?’ Sa diha nga ang anak magbuhat unsay subay sa Balaod ug sa matarong ug magtuman sa tanan nakong mga lagda ug magbuhat niini, siya mabuhi gayod.

Mateo 23:27

“Alaot kamong mga eskriba ug mga Pariseo, mga tigpakaaron-ingnon! Kay sama kamo sa mga gipaputi nga pantiyon, nga sa gawas nindot tan-awon apan sa sulod puno kini sa mga bukog sa mga patay ug sa tanang hugaw.

Mateo 23:31

Sa ingon niini nagsaksi kamo batok sa inyong kaugalingon nga kamo mga anak diay niadtong mga mipatay sa mga propeta.

Lucas 11:47

Alaot kamo, kay nagbuhat kamo ug mga pantiyon sa mga propeta nga gipatay sa inyong katigulangan!

Lucas 11:49

Ug tungod niini ang Kaalam sa Dios nag-ingon, ‘Padad-an ko sila ug mga propeta ug mga apostoles ug ang uban kanila ilang patyon ug lutoson’

Roma 1:32

Kini sila, bisan nasayod sa balaod sa Dios nga ang naghimo niining maong mga butang angay nga patyon, wala lamang maghimo niini kondili miuyon usab kanila nga nagbuhat niini.

Santiago 5:10

Mga igsoon, ingon nga sumbanan sa pag-antos ug pagpailob, palandonga ang mga propeta nga nagsulti diha sa ngalan sa Ginoo.

Josue 24:22

Unya si Josue miingon sa katawhan, “Kamo ang mga saksi batok sa inyong kaugalingon nga kamo mipili sa Ginoo, sa pag-alagad kaniya.” Ug sila miingon, “Kami mga saksi.”