Lucas 11:46

Ang Biblia 2011

Ug siya miingon, “Alaot usab kamong mga batid sa Balaod, kay ang mga tawo inyong gipabug-atan sa mga lisod nga palas-anon, apan kamo mismo dili man gani mohikap niini pinaagi sa usa sa inyong mga tudlo aron sa pagtabang kanila!

Cross References

Isaias 10:1

Alaot kadtong nagsugo sa dili matarong nga mga sugo, ug ang mga tigsulat nga nagpunay ug sulat sa pagpanglupig,

Isaias 58:6

“Dili ba mao kini ang pagpuasa nga akong gipili, ang paghubad sa mga higot sa pagkadaotan, ang pagtangtang sa mga pisi sa yugo, ang pagpagawas sa mga dinaogdaog, ug ang pagbali sa tanang mga yugo?

Mateo 22:35

Ug usa kanila nga batid sa Balaod nangutana aron sa pagsulay kaniya.

Lucas 11:45

Usa sa mga batid sa Balaod mitubag kang Jesus, “Magtutudlo, sa imong pagsulti niana imo usab kaming gipakaulawan.”

Lucas 11:52

Alaot kamong mga batid sa Balaod, kay inyong gikuha ang yawi sa kahibalo. Kamo mismo wala mosulod niini ug ang mga nanulod niini inyong gibabagan.”

Mga Taga-Galacia 6:13

Kay bisan gani silang mga tinuli wala man magsubay sa Balaod apan sila naninguha nga kamo magpatuli aron ilang ipasigarbo ang inyong unod.