Lucas 11:41

Ang Biblia 2011

Apan ilimos ninyo kanang anaa sa sulod, ug tan-awa, ang tanan mahinlo alang kaninyo.

Cross References

Salmo 112:9

Nanghatag siya nga madagayaon, nanghatag sa mga kabos; ang iyang pagkamatarong molungtad hangtod sa kahangtoran; ang iyang sungay bayawon diha sa kadungganan.

Salmo 41:1

Bulahan siya nga nagtagad sa mga kabos; ang Ginoo magluwas kaniya sa adlaw sa kalisdanan;

Mga Panultihon 14:31

Siya nga nagdaogdaog sa kabos nagtamay sa iyang Magbubuhat, apan siya nga may kaluoy sa nanginahanglan nagtahod kaniya.

Mga Panultihon 16:6

Tungod sa pagkamaunongon ug sa pagkamatinumanon ang kasal-anan gipasaylo, tungod sa pagkahadlok sa Ginoo ang tawo molikay sa daotan.

Mga Panultihon 19:17

Siya nga maayo ngadto sa kabos nagpahulam sa Ginoo, ug siya mobayad kaniya sa iyang nabuhat.

Daniel 4:27

Busa, O hari, dawaton unta nimo ang akong tambag, bugtoa ang imong mga sala pinaagi sa paghimo sa pagkamatarong, ug ang imong mga pagkadaotan pinaagi sa pagpakita ug kaluoy sa mga dinaogdaog, aron nga basin ug adunay paglugway sa imong kalinaw.”

Mateo 26:11

Ang mga kabos kanunayng anaa uban kaninyo apan ako dili kanunayng ania kaninyo.

Mateo 5:42

Hatagi ang nagpakilimos kanimo ug ayaw balibari ang buot mohulam kanimo.

Marcos 7:19

kay dili man kini mosulod sa iyang kasingkasing kondili diha lamang sa iyang tiyan, unya mogula ra kini?” Sa ingon niana iyang gipahayag nga ang tanang pagkaon hinlo.

Lucas 12:33

Ibaligya ang inyong kabtangan, ug panghatag kamo ug limos; sangkapi ang inyong kaugalingon sa mga sudlanan sa salapi nga dili madunot, sa bahandi sa langit nga dili mahurot diin walay kawatan nga makaduol ug walay mananap nga mokutkot.

Lucas 16:9

Ug sultihan ko usab kamo, pagpakighigala kamo alang sa inyong kaugalingon pinaagi sa dili matarong nga bahandi aron nga inigkahurot na niini kamo ilang dawaton ngadto sa walay kataposang mga puluy-anan.

Lucas 18:22

Sa pagkadungog ni Jesus niini, siya miingon kaniya, “Usa pa ka butang ang imong kulang. Ibaligya ang tanan nimong katigayonan ug ihatag sa mga kabos, ug makaangkon ikaw ug bahandi didto sa langit, ug unya anhi ug sunod kanako.”

Lucas 19:8

Ug si Zaqueo mitindog ug miingon sa Ginoo, “Tan-awa, Ginoo, ang katunga sa akong katigayonan ihatag nako sa mga kabos, ug kon aduna man kanilay akong gilimbongan ug bisan unsa, ulian nako siya sa upat ka pilo.”

Mga Buhat 10:15

Ug ang tingog nadungog niya sa ikaduhang higayon nga nag-ingon, “Unsay gihinloan na sa Dios, ayaw nganli ug dili putli.”

Mga Buhat 11:29

Ug ang mga tinun-an nakahukom nga ang matag usa kanila, sumala sa iyang masarangan, magpadala ug hinabang ngadto sa mga kaigsoonan nga nagpuyo sa Judea.

Mga Buhat 24:17

Unya human sa daghang katuigan mianhi ako aron sa pagdala ug mga hinabang ug mga halad alang sa akong nasod.

2 Mga Taga-Corinto 8:12

Kay kon anaa ang pagkamatinguhaon, kini kahimut-an sumala sa unsay anaa sa tawo, dili sumala sa unsay wala kaniya.

Mga Taga-Efeso 4:28

Ang kawatan kinahanglang dili na mangawat, kondili maghago hinuon, magbuhat sa mga maayong butang pinaagi sa iyang mga kamot aron may ikahatag siya ngadto sa mga nagkinahanglan.

Tito 1:15

Alang sa mga putli, ang tanang butang putli, apan alang sa mga hugaw ug dili matinuohon, walay butang nga putli, hinuon ang ilang mga hunahuna ug tanlag mao ang hugaw.

Mga Hebreo 13:16

Ug ayaw ninyo kalimti ang pagbuhat ug maayo ug ang pagkamanggihatagon, kay ang maong mga halad makapahimuot sa Dios.

Mga Hebreo 6:10

Kay ang Dios dili daotan nga tungod niana kalimtan na lamang niya ang inyong buhat ug ang gugma nga inyong gipadayag alang kaniya pinaagi sa inyong pag-alagad sa mga balaan, sama sa inyo pa gihapong gibuhat.

Santiago 1:27

Ang relihiyon nga putli ug walay buling sa atubangan sa Dios nga atong Amahan mao kini: ang pagtabang sa mga ilo ug mga biyuda diha sa ilang kalisdanan ug ang pag-amping sa kaugalingon nga dili mabulingan sa kalibotan.