Lucas 11:39

Ang Biblia 2011

Ug ang Ginoo miingon kaniya, “Kamong mga Pariseo naghinlo sa gawas sa kupa ug sa plato, apan sa sulod kamo puno sa panikas ug kadaotan.

Cross References

Genesis 6:5

Nakita sa Ginoo nga dako ang pagkadaotan sa tawo sa ibabaw sa yuta ug nga ang tanang anaa sa mga hunahuna sa iyang kasingkasing kanunay lamang nga daotan.

2 Cronicas 25:2

Siya nagbuhat sa matarong diha sa mga mata sa Ginoo, apan dili sa usa ka putli nga kasingkasing.

Salmo 22:13

ginganga nila ug dako ang ilang baba ngari kanako, sama sa kumakaon ug nagngulob nga liyon.

Mga Panultihon 26:23

Sama sa kasinaw nga nagtabon sa yuta nga sudlanan ang hamis nga mga ngabil nga may daotang kasingkasing.

Mga Panultihon 26:25

sa diha nga siya magsulti ug maayo ayaw siya tuohi, kay adunay pito ka dulumtanan diha sa iyang kasingkasing;

Mga Panultihon 30:12

Adunay putli diha sa ilang kaugalingong mga mata, apan wala mahinloi sa ilang pagkahugaw.

Jeremias 4:14

O Jerusalem, hugasi ang imong kasingkasing gikan sa kadaotan, aron ikaw maluwas. Hangtod kanus-a ba nga ang imong daotan nga hunahuna magpuyo diha kanimo?

Ezequiel 22:25

Ang mga pangulo niini sa taliwala kaniya sama sa liyon nga nagngulob nga nagkuniskunis sa tinukob. Gilamoy nila ang mga tawo, gikuha nila ang bahandi ug bililhon nga mga butang, gipadaghan nila ang mga biyuda sa iyang taliwala.

Ezequiel 22:27

Ang iyang mga pangulo sa taliwala niya sama sa mga lobo nga nagkuniskunis sa tinukob, nagpaagas ug dugo, nanglaglag sa mga kinabuhi aron sa pag-angkon ug ganansiya pinaagi sa panikas.

Sofonias 3:3

Ang iyang mga tinugyanan sa taliwala niya mga liyon nga nagngulob; ang iyang mga maghuhukom mao ang mga lobo sa kagabhion nga dili magsalin hangtod sa pagkabuntag.

Mateo 15:19

Kay gikan sa kasingkasing mogula ang mga daotang hunahuna, pagpatay, panapaw, salawayong pakighilawas, pangawat, pagsaksi ug bakak, pagpasipala.

Mateo 7:15

“Pagbantay kamo sa mga mini nga propeta nga moanha kaninyo nga magsul-ob ug bisti sa karnero apan sa sulod sila mga lobo nga manunukob.

Lucas 16:15

Apan si Jesus miingon kanila, “Kamo mao ang mga nagpakamatarong sa inyong kaugalingon sa atubangan sa mga tawo, apan ang Dios nahibalo sa inyong mga kasingkasing kay ang gipakahalangdon sa mga tawo dulumtanan man sa atubangan sa Dios.

Lucas 7:13

Sa pagkakita sa Ginoo sa biyuda, siya naluoy kaniya ug miingon kaniya, “Ayaw na paghilak.”

Lucas 7:19

Ug si Juan, sa natawag niya ang duha sa iyang mga tinun-an, misugo kanila ngadto sa Ginoo sa pag-ingon, “Ikaw ba kadtong moanhi, o magpaabot pa kami ug lain?”

Juan 12:6

Kini gisulti niya, dili tungod kay siya may kahangawa alang sa mga kabos, kondili tungod kay siya kawatan man ug kay siya mao man ang tigtipig sa sudlanan sa salapi nga ang isulod niini iyang kuhaan.

Juan 13:2

Samtang nanihapon sila, gisulod na sa yawa diha sa kasingkasing ni Judas Iscariote nga anak ni Simon ang pagbudhi kang Jesus.

Mga Buhat 5:3

Apan si Pedro miingon, “Ananias, ngano bang gisudlan man ni Satanas ang imong kasingkasing aron ikaw mamakak sa Espiritu Santo ug ikaw manguha sa halin sa yuta?

Mga Taga-Galacia 1:14

ug nga diha sa tinuohan sa mga Judio ako miuswag labaw pa kay sa kadaghanan sa akong mga katagilungsod nga kadungan nako, nga sa hilabihan ako mainiton gayod alang sa mga gikabilinbilin nga kalagdaan sa akong mga katigulangan.

2 Timoteo 3:5

nagbaton ug dagway sa pagkadiosnon apan naglimod sa gahom niini. Likayi kini sila.

Tito 1:15

Alang sa mga putli, ang tanang butang putli, apan alang sa mga hugaw ug dili matinuohon, walay butang nga putli, hinuon ang ilang mga hunahuna ug tanlag mao ang hugaw.

Santiago 4:8

Paduol kamo sa Dios ug siya mopaduol kaninyo. Mga makasasala, hugasi ang inyong mga kamot, ug putlia ang inyong mga kasingkasing, kamong mga maduhaduhaon!