Lucas 11:36

Ang Biblia 2011

Kon ang tibuok nimong lawas puno sa kahayag, ug walay bahin niini nga ngitngit, ang tibuok nimong lawas hayag kaayo, sama nga ang kahayag sa usa ka suga modan-ag kanimo.”

Cross References

Mga Panultihon 1:5

ang tawo nga maalamon mamati usab ug magdugang sa kinaadman, ug ang tawo nga may panabot makabaton sa maayong mga tambag,

Mga Panultihon 20:27

Ang espiritu sa tawo mao ang lampara sa Ginoo, nagsusi sa tanan niyang kinasulorang bahin.

Mga Panultihon 6:23

Kay ang sugo maoy usa ka lampara, ug ang pagtudlo usa ka suga, ug ang mga pagbadlong aron sa pagpanton maoy dalan sa kinabuhi,

Isaias 42:16

Ako maggiya sa mga buta diha sa usa ka dalan nga wala nila mahibaloi, sa mga agianan nga wala nila mahibaloi giyahan nako sila. Ako maghimo sa kangitngit nga kahayag sa ilang atubangan, ug ang mga gansanggansangon nga mga dapit mapatag. Mao kining mga butanga ang akong buhaton, ug dili nako sila biyaan.

Isaias 8:20

Ngadto sa pagtulun-an ug sa pagpamatuod! Kay kining pulonga nga ilang gisulti wala gayoy kabuntagon.

Oseas 6:3

Hibaloan nato, ug padayonon nato ang pag-ila sa Ginoo, ang iyang paggula siguro gayod sama sa kaadlawon, siya moanhi kanato sama sa ulan, sama sa ulahing ulan nga nagbisibis sa yuta.”

Mateo 13:52

Ug siya miingon kanila, “Busa ang matag usa ka eskriba nga natudloan mahitungod sa gingharian sa langit sama sa usa ka pangulo sa panimalay nga magpagula gikan sa iyang mga bahandi sa mga butang nga bag-o ug daan.”

Mateo 5:15

Ang mga tawo dili usab magdagkot ug suga aron ibutang kini sa ilalom sa gantangan kondili sa ibabaw sa tungtonganan ug kini moiwag kanilang tanan nga anaa sa sulod sa balay.

Lucas 11:35

Busa pagmatngon, kay tingali unya ug ang kahayag nga anaa kanimo kangitngit diay.

Lucas 11:37

Ug sa pagsulti niya, gidapit siya sa usa ka Pariseo sa pagkaon uban kaniya, busa misulod siya ug mitambong sa kan-anan.

2 Mga Taga-Corinto 4:6

Kay ang Dios nga nag-ingon, “Gikan sa kangitngit mosidlak ang kahayag,” mao ang nagsidlak dinhi sa among mga kasingkasing aron paghatag sa kahayag sa kahibalo sa himaya sa Dios diha sa nawong ni Jesu-Cristo.

Mga Taga-Efeso 4:14

aron kita dili magpabilin nga mga bata nga mapadpad ngadto nganhi ug madala sa matag hangin sa doktrina pinaagi sa kaigmat ug lipatlipat sa mga tawo nga batid sa pagmugnag kasaypanan.

Mga Taga-Colosas 3:16

Ang pulong ni Cristo papuy-a nga madagayaon gayod diha kaninyo, magtudlo ug magtambag kamo sa usa ug usa pinaagi sa tanang kaalam, ug mag-awit kamo ug mga salmo ug mga alawiton ug mga awit nga espirituhanon uban ang pagkamapasalamaton diha sa inyong mga kasingkasing ngadto sa Dios.

Mga Hebreo 5:14

Apan ang gahing pagkaon alang sa mga hamtong, alang kanila nga ang mga salabotan nabatid pinaagi sa pagbansay sa pag-ila sa maayo gikan sa daotan.

Santiago 1:25

Apan siya nga nagtutok sa hingpit nga balaod, ang balaod sa kagawasan, ug nagpadayon, kay dili man siya tigpaminaw nga makalimot kondili tigbuhat nga naglihok, siya mabulahan diha sa iyang pagbuhat.

2 Pedro 3:18

Apan kinahanglan nga motubo kamo diha sa grasya ug sa kahibalo sa atong Ginoo ug Manluluwas nga si Jesu-Cristo. Kaniya ang himaya karon ug hangtod sa kahangtoran. Amen.