Lucas 11:34

Ang Biblia 2011

Ang imong mata mao ang suga sa imong lawas, kon maayo ang imong mata ang tibuok nimong lawas puno sa kahayag; apan kon kini masakiton, ang imong lawas puno sa kangitngit.

Cross References

Genesis 19:11

Ug gibutaan nila ang mga tawo nga diha sa pultahan sa balay, gagmay ug dagko, ug nagsukarap sila sa pagpangita sa pultahan.

Salmo 119:18

Pabukha ang akong mga mata aron makatan-aw ako sa mga katingalahang butang gikan sa imong Balaod.

Salmo 81:12

Busa gitugyan nako sila ngadto sa kagahi sa ilang kasingkasing, sa pagsunod sa ilang kaugalingong katuyoan.

Mga Panultihon 21:4

Ang mapahitas-on nga mga mata ug ang kasingkasing nga mapalabilabihon, nga mao ang lampara sa daotan, sala.

Mga Panultihon 28:22

Ang tihik nga tawo nagdali nga madato, ug wala mahibalo nga ang kawalad-on moabot kaniya.

Isaias 29:10

Kay ang Ginoo nagbubo ibabaw kaninyo ug espiritu sa paghinanok; ug nagpapiyong sa inyong mga mata, kamong mga propeta, ug nagtabon sa inyong mga ulo, kamong mga tigpanagna.

Isaias 42:19

Kinsa ba ang buta kondili ang akong alagad, o bungol sama sa akong sinugo nga akong gipadala? Kinsa ba ang buta nga sama kaniya nga matinud-anon kanako, o buta sama sa sulugoon sa Ginoo?

Isaias 44:18

Sila wala makaila o makasabot, kay iyang gitaptapan ang ilang mga mata aron sila dili makakita, ug ang ilang mga hunahuna aron sila dili makasabot.

Isaias 5:20

Alaot kadtong magtawag sa daotan nga maayo, ug sa maayo nga daotan, nagbutang sa kangitngit ingon nga kahayag, ug sa kahayag ingon nga kangitngit, ug nagbutang sa pait ingon nga tam-is, ug sa tam-is ingon nga pait!

Isaias 6:10

Pakubali ang kasingkasing niining katawhan, ug sampongi ang ilang mga dalunggan, ug tak-opi ang ilang mga mata; tingali unya ug makakita sila pinaagi sa ilang mga mata, ug makadungog pinaagi sa ilang mga dalunggan, ug makasabot sila pinaagi sa ilang kasingkasing, ug mangakabig ug mamaayo sila.”

Jeremias 5:21

“Pamatia kini, O mga buangbuang ug walay alamag nga katawhan, nga adunay mga mata apan dili makakita, nga adunay mga dalunggan apan dili makadungog.

Marcos 4:12

aron nga sa ilang pagtan-aw makakita sila apan dili makasabot ug nga sa ilang pagpaminaw makabati sila apan dili makatugkad, kay basin unya ug mamalik sila ug pasayloon.”

Marcos 7:22

kahakog, kadaotan, pagpanglimbong, kaulag, pagkadaotan ug tinan-awan, pagpasipala, pagkamapahitas-on, binuang.

Marcos 8:18

May mga mata man unta kamo, dili ba kamo makakita? May mga dalunggan man unta kamo, dili ba kamo makabati? Wala ba kamo mahinumdom?

Lucas 11:35

Busa pagmatngon, kay tingali unya ug ang kahayag nga anaa kanimo kangitngit diay.

Mga Buhat 13:11

Ug karon, tan-awa, ang kamot sa Ginoo anaa ibabaw kanimo, ug ikaw mabuta ug dili na makakita sa adlaw sulod sa usa ka panahon.” Dihadiha miabot kaniya ang gabon ug kangitngit ug naglibotlibot siya sa pagpangita ug makaagak kaniya.

Mga Buhat 2:46

Unya matag adlaw sa mag-usa sila pagtambong didto sa Templo, ug sa pagpikaspikas sa pan diha sa ilang kabalayan, nagsalo sila sa pagpangaon nga may kasadya ug manggihatagon nga mga kasingkasing,

Mga Buhat 26:18

sa pagpabuka sa ilang mga mata aron sila mobalhin gikan sa kangitngit ngadto sa kahayag ug gikan sa gahom ni Satanas ngadto sa Dios, aron makadawat sila ug kapasayloan sa ilang mga sala ug usa ka dapit uban sa mga gibalaan pinaagi sa pagtuo kanako.’

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

2 Mga Taga-Corinto 11:3

Apan nahadlok ako nga ingon nga ang bitin milimbong kang Eva pinaagi sa iyang pagkamalimbongon, ang inyong mga panghunahuna mahisalaag gikan sa inyong matinud-anon ug putli nga pag-alagad kang Cristo.

2 Mga Taga-Corinto 4:4

Diha kanila ang mga hunahuna sa mga dili magtutuo gibutaan sa dios niining panahona, aron dili sila makakita sa kahayag sa Maayong Balita sa himaya ni Cristo nga mao ang dagway sa Dios.

Mga Taga-Efeso 1:17

nga unta ang Dios sa atong Ginoong Jesu-Cristo, ang mahimayaong Amahan, maghatag kaninyo sa espiritu sa kaalam ug sa pagpadayag diha sa kahibalo mahitungod kaniya,

Mga Taga-Efeso 6:5

Kamong mga ulipon, kinahanglang magmasinugtanon sa inyong mga tawhanong agalon uban ang pagtahod ug kahadlok sa tibuok ninyong kasingkasing, sama ngadto kang Cristo.

Mga Taga-Colosas 3:22

Mga ulipon, sa tanang mga butang pagmasinugtanon kamo sa inyong tawhanong mga agalon, dili sa pag-alagad aron makit-an ingon nga tigpahimuot sa mga tawo, kondili uban sa matinud-anon nga kasingkasing, mahadlokon sa Ginoo.