Lucas 11:32

Ang Biblia 2011

Ang mga tawo sa Ninibe mobangon ra unya sa adlaw sa paghukom uban niining kaliwatana ug maghukom kanila kay ang mga taga-Ninibe naghinulsol sa pagwali ni Jonas, ug tan-awa, usa ka labaw pa kang Jonas ang ania.

Cross References

Jonas 3:4

Ug si Jonas misugod sa pagsulod sa siyudad, usa ka adlaw nga pagpanaw. Ug siya misinggit, “40 na lamang ka adlaw ug ang Ninibe magun-ob!”

Jonas 3:5

Ug ang katawhan sa Ninibe mituo sa Dios; sila nagpahibalo ug usa ka pagpuasa ug nagsul-ob ug bisti nga sako, gikan sa labing halangdon kanila hangtod sa labing ubos kanila.

Jonas 4:9

Apan ang Dios miingon kang Jonas, “Maayo ba ang imong gibuhat, nga ikaw nasuko tungod sa tanom?” Ug siya miingon, “Maayo ang akong gibuhat sa pagkasuko, kasuko nga igo nga ikamatay.”

Mateo 12:39

Apan kanila mitubag siya nga nag-ingon, “Ang usa ka daotan ug maluibon nga kaliwatan mangita ug ilhanan apan walay laing ilhanan nga ihatag niini gawas lamang sa ilhanan ni Jonas nga propeta.

Mateo 12:41

Ang mga tawo sa Ninibe mobangon ra unya sa adlaw sa paghukom uban niining maong katawhan ug maghukom niini sa silot kay ang taga-Ninibe naghinulsol tungod sa pagwali ni Jonas, ug tan-awa, dinhi karon aniay labaw pa kang Jonas.

Lucas 11:31

Ang rayna sa Habagatan bangonon ra unya sa adlaw sa paghukom uban sa mga tawo niining kaliwatana ug maghukom kanila kay siya mianhi gikan sa kinatumyan sa kalibotan aron sa pagpamati sa kaalam ni Solomon, ug tan-awa, usa ka labaw pa kang Solomon ang ania dinhi.

Mga Hebreo 7:26

Kay angay alang kanato ang maong labawng pangulong pari, balaan, walay sala, walay lama, linain gikan sa mga makasasala, tinuboy ngadto sa kahitas-an labaw pa sa kalangitan.