Lucas 11:31

Ang Biblia 2011

Ang rayna sa Habagatan bangonon ra unya sa adlaw sa paghukom uban sa mga tawo niining kaliwatana ug maghukom kanila kay siya mianhi gikan sa kinatumyan sa kalibotan aron sa pagpamati sa kaalam ni Solomon, ug tan-awa, usa ka labaw pa kang Solomon ang ania dinhi.

Cross References

2 Cronicas 9:1

Sa pagkadungog sa rayna sa Seba mahitungod sa pagkabantogan ni Solomon, miadto siya sa Jerusalem aron sa pagsulay kang Solomon pinaagi sa mga lisod nga pangutana, uban sa daghang mga kauban ug mga kamilyo nga gikargahan ug mga pahumot ug daghan kaayong bulawan ug bililhon nga mga bato. Sa iyang pag-adto kang Solomon iyang gisulti kaniya ang tanan nga diha sa iyang hunahuna.

Isaias 54:17

walay hinagiban nga gibuhat batok kanimo nga magmalamposon, ug imong pamatud-an nga sayop ang matag dila nga maghukom batok kanimo. Kini mao ang panulundon sa mga sulugoon sa Ginoo, ug ang ilang pagkamatarong nga gikan kanako, nag-ingon ang Ginoo.”

Jeremias 3:11

Unya ang Ginoo miingon kanako, “Ang maluibon nga Israel nakita hinuon nga dili kaayo sad-an kay sa malinglahon nga Juda.

Mateo 12:42

Ang rayna sa Habagatan mobangon ra unya sa adlaw sa paghukom uban niining maong katawhan ug maghukom niini sa silot, kay siya mianhi gikan sa kinatumyan sa yuta aron sa pagpamati sa kaalam ni Solomon, ug tan-awa, dinhi karon aniay labaw pa kang Solomon.

Lucas 3:22

ug diha kaniya mikunsad ang Espiritu Santo sa lawasnon nga panagway sama sa salampati ug may tingog nga miabot gikan sa langit, “Ikaw ang akong pinalanggang Anak, kanimo nalipay ako.”

Lucas 9:35

Ug usa ka tingog gikan sa panganod miingon, “Kini mao ang akong Anak, ang akong Pinili, pamati kamo kaniya!”

Roma 2:27

Sa ingon niana, siya nga dili tinuli diha sa lawas apan nagtuman sa Balaod, maghukom kanimo nga nagbaton sa sinulat nga lagda ug sa pagkatinuli apan naglapas sa Balaod.

Mga Hebreo 11:7

Tungod sa pagtuo si Noe, sa napasidan-an siya sa Dios mahitungod sa mga hitabo nga wala pa makita, mitagad sa pasidaan ug iyang gibuhat ang arka alang sa pagluwas sa iyang panimalay. Tungod niini ang kalibotan iyang gihukman sa silot, ug siya nahimong manununod sa pagkamatarong nga pinaagi sa pagtuo.