Lucas 11:29

Ang Biblia 2011

Sa nagkadaghan na ang mga panon sa katawhan, siya misugod sa pag-ingon, “Kining kaliwatana usa ka daotan nga kaliwatan. Nangita kini ug ilhanan apan walay ilhanan nga ihatag niini gawas sa ilhanan ni Jonas.

Cross References

Ezequiel 24:24

Sa ingon niini si Ezekiel alang kaninyo mao ang usa ka timaan; sumala sa tanan nga iyang gihimo kamo magbuhat. Sa diha nga kini moabot na, kamo makaila nga ako mao ang Ginoong Dios.’

Jonas 1:1

Ang pulong sa Ginoo midangat kang Jonas nga anak ni Amitai, nga nag-ingon,

Mateo 3:7

Apan sa pagtan-aw niya nga daghan sa mga Pariseo ug sa mga Saduceo ang miadto aron sa pagpabautismo, siya miingon kanila, “Kamong kaliwat sa mga bitin! Kinsa bay nagpasidaan kaninyo sa pag-ikyas gikan sa kapungot nga umaabot?

Marcos 8:38

Kay si bisan kinsa nga maulaw tungod kanako ug sa akong mga pulong dinhi niining mananapaw ug makasasala nga kaliwatan, ikaulaw usab sa Anak sa Tawo inig-abot niya diha sa himaya sa iyang Amahan kauban sa mga anghel nga balaan.”

Lucas 11:16

Ug ang uban, aron sa pagsulay, nangayo kaniya ug ilhanan gikan sa langit.

Lucas 11:50

aron ang dugo sa tanang mga propeta, nga naula sukad pa sa pagtukod sa kalibotan, paninglon gikan niining kaliwatan,

Lucas 12:1

Sa maong higayon, sa nagkatigom ang linibo sa mga panon sa katawhan nga tungod niana nagkatinumbanay sila, si Jesus misugod sa pagsulti ngadto una sa iyang mga tinun-an, “Pagbantay kamo sa patubo sa pan sa mga Pariseo nga mao ang pagpakaaron-ingnon.

Lucas 9:41

Si Jesus mitubag, “O walay pagsalig ug sukihan nga kaliwatan, hangtod kanus-a ba nga ako makig-uban kaninyo ug mag-antos kaninyo? Dad-a dinhi ang imong anak.”

Juan 2:18

Busa ang mga Judio miingon kaniya, “Unsa man ang ilhanan nga imong ikapakita kanamo nga ikaw nagbuhat man niini?”

Juan 6:30

Busa sila miingon kaniya, “Unsa man diay ang milagro nga imong mabuhat aron makita namo kini ug motuo kami kanimo? Unsa man ang imong gibuhat?

Juan 8:44

Kamo gikan sa inyong amahan nga mao ang yawa ug nagtinguha kamo sa pagbuhat sa kabubut-on sa inyong amahan. Siya mamumuno gayod sukad pa sa sinugdan, ug walay labot sa kamatuoran kay ang kamatuoran wala man diha kaniya. Sa dihang mamakak siya, magsulti siya tukma sa iyang kaugalingong kinaiya kay siya bakakon man ug amahan sa mga bakak.

1 Mga Taga-Corinto 1:22

Kay samtang ang mga Judio nangayo ug milagro ug ang mga Grego nangita ug kaalam,