Lucas 11:26

Ang Biblia 2011

Unya molakaw siya ug magkuha ug lain pang pito ka espiritu nga labaw pa ka daotan kay kaniya, ug sila mosulod ug mopuyo niini. Ug ang kataposang kahimtang niadtong tawhana mosamot pa ka ngil-ad kay sa una.”

Cross References

Sofonias 1:6

sila nga mitalikod sa pagsunod sa Ginoo, kadtong wala mangita sa Ginoo o magpakisayod mahitungod kaniya.”

Mateo 12:45

Unya molakaw siya ug magkuha ug laing pito ka espiritu nga labaw pa ka daotan kay kaniya ug sila mosulod ug mopuyo niini. Ug ang ulahing kahimtang niadtong tawhana labaw pa ka ngil-ad kay sa sinugdan. Busa mao usab kana ang mahitabo niining daotan nga kaliwatan.”

Mateo 23:15

Alaot kamong mga eskriba ug mga Pariseo, mga tigpakaaron-ingon! Kay gilatas ninyo ang kadagatan ug kayutaan aron paghimo ug bisan usa ka kinabig ug sa dihang makabig na siya, kamo maghimo kaniya nga duha pa ka pilo ka angayan sa imperno kay kaninyo.

Lucas 11:25

Ug sa pag-abot niya, iyang makita kini nga sinilhigan na ug maayo nang pagkahimutang.

Lucas 11:27

Ug sa iyang pagsulti niini, usa ka babaye diha sa panon nga mipatugbaw sa iyang tingog, miingon kang Jesus, “Bulahan ang tagoangkan nga maoy nagsamkon kanimo, ug ang mga suso nga imong gisusohan!”

Juan 5:14

Human niini, nakit-an siya ni Jesus sulod sa Templo ug si Jesus miingon kaniya, “Tan-awa, maayo na ikaw! Ayaw na pagpakasala aron dili mahitabo kanimo ang labi pang ngil-ad.”

1 Juan 5:16

Kon may makakita nga ang iyang igsoon nakahimo ug sala nga dili makamatay, kinahanglan nga maghangyo siya ug ang Dios maghatag kaniya ug kinabuhi ngadto kanila nga nakahimo ug sala nga dili makamatay. Adunay sala nga makamatay; wala ako mag-ingon nga mag-ampo siya alang niini.