Lucas 10:7

Ang Biblia 2011

Ug pabilin kamo sa mao gihapon nga balay nga mokaon ug moinom sa ilang ihatag kaninyo, kay ang mamumoo angay gayod sa pagdawat sa iyang suhol. Ug ayaw kamo pagbalhinbalhin ug balay.

Cross References

Numeros 18:31

Ug kamo makakaon niini sa bisan diin nga dapit, kamo ug ang inyong panimalay, kay kini balos kaninyo sa inyong pag-alagad sa tolda nga tagboanan.

Marcos 6:10

Ug siya miingon kanila, “Asa gani kamong balaya modayon, pabilin kamo didto hangtod sa inyong pagbiya sa maong dapit.

Lucas 10:6

Ug kon anaa may anak sa kalinaw, ang inyong kalinaw magpabilin diha kaniya apan kon wala man, kini mobalik ra kaninyo.

Lucas 9:4

Ug bisan unsang balaya nga inyong sudlan, pabilin kamo didto, ug gikan didto panglakaw kamo.

Mga Buhat 16:15

Ug sa nabautismohan na siya kauban sa iyang panimalay, mihangyo siya kanamo nga nag-ingon, “Kon inyo akong gihukman nga matinud-anon sa Ginoo, adto kamo abot sa akong balay.” Ug siya namugos kanamo.

Mga Buhat 16:34

Ug gidala niya sila sa iyang balay, ug gidulotan sila ug pagkaon ug uban sa iyang tibuok panimalay siya nalipay nga siya mituo sa Dios.

Mga Buhat 16:40

Ug sila migula sa bilanggoan ug miadto sa balay ni Lydia, ug sa ila nang nakita ang mga kaigsoonan, kini ilang gidasig ug mibiya sila.

Mga Taga-Galacia 6:6

Siya nga gikatudloan sa pulong kinahanglang mopaambit sa tanang mga maayong butang ngadto sa nagtudlo kaniya.

Deuteronomio 12:12

Ug paglipay kamo sa atubangan sa Ginoo nga inyong Dios, kamo ug ang inyong mga anak nga lalaki, ug ang inyong mga anak nga babaye, ug ang inyong mga ulipon nga lalaki ug ang inyong mga ulipon nga babaye, ug ang Levihanon nga anaa sa inyong mga lungsod kay siya walay bahin o panulundon uban kaninyo.

Deuteronomio 18:8

Makabaton sila ug samang bahin nga kaonon, walay labot sa iyang madawat gikan sa halin sa iyang katigayonan.

1 Timoteo 5:13

Gawas pa niana, sila usab nakat-on sa pagkatapolan, sa pagpanumbalay ug dili lamang sa pagkatapolan kondili sa pagpanglibak ug sa pagpanghilabot sa uban, sa pagpanulti sa dili nila angay nga isulti.

2 Timoteo 2:6

Ang mag-uuma nga naghago pag-ayo kinahanglang maoy unang makadawat sa mga abot.