Lucas 10:28

Ang Biblia 2011

Ug si Jesus miingon kaniya, “Husto ang imong pagtubag, buhata kini ug mabuhi ka.

Cross References

Nehemias 9:29

Ug ikaw nagpasidaan kanila aron sa pagpabalik kanila ngadto sa imong Balaod. Apan sila nagmapahitas-on ug wala magtuman sa imong mga sugo, hinuon sila nagpakasala batok sa imong mga tulumanon, nga pinaagi sa pagtuman niini ang tawo mabuhi, ug gipatalikod ang mga gipagahi nga abaga ug gipatikig ang ilang liog ug wala mamati.

Mga Panultihon 19:16

Siya nga magtuman sa kasugoan mag-amping sa iyang kinabuhi; siya nga magtamay sa iyang mga pamaagi mamatay.

Ezequiel 20:11

Ug gihatag nako kanila ang akong mga lagda, ug gipakita kanila ang akong mga tulumanon, nga pinaagi sa pagtuman ang tawo mabuhi.

Ezequiel 20:13

Apan ang balay sa Israel misupil kanako didto sa kamingawan. Sila wala maglakaw diha sa akong mga lagda, hinuon gisalikway nila ang akong mga tulumanon, nga pinaagi sa pagtuman niini ang tawo mabuhi, ug ang akong mga adlawng igpapahulay gipasipad-an nila pag-ayo. “Unya ako naghunahuna nga ibubo nako ang akong kaligutgot kanila didto sa kamingawan aron sa pagpuo kanila.

Ezequiel 20:21

Apan ang mga anak misupil kanako. Sila wala maglakaw diha sa akong mga lagda ug wala magmatngon sa pagtuman sa akong mga tulumanon, nga pinaagi sa pagtuman niini ang tawo mabuhi. Gipasipad-an nila ang akong mga adlawng igpapahulay. “Unya ako naghunahuna nga ibubo nako ang akong kaligutgot diha kanila ug ihurot ang akong kasuko batok kanila didto sa kamingawan.

Levitico 18:5

Busa tumana ninyo ang akong mga lagda ug ang akong mga tulumanon. Pinaagi sa pagbuhat niini, ang usa ka tawo mabuhi. Ako mao ang Ginoo.

Mateo 19:17

Ug siya miingon kaniya, “Nganong mangutana man ikaw kanako mahitungod sa maayo? Usa lamang ang maayo. Kon buot kang mosulod sa kinabuhi, tumana ang kasugoan.”

Marcos 12:34

Sa pagkakita ni Jesus nga maalamon ang iyang pagtubag, siya miingon kaniya, “Ikaw dili layo sa gingharian sa Dios.” Ug human niadto wala nay nangahas sa pagpangutana kaniya.

Lucas 7:43

Si Simon mitubag, “Sa akong hunahuna, siya nga gipasaylo ug labaw.” Ug si Jesus miingon kaniya, “Husto ang imong paghukom.”

Roma 10:4

Kay si Cristo mao ang kataposan sa Balaod alang sa pagkamatarong sa tanan nga may pagtuo.

Roma 3:19

Karon nahibalo kita nga bisan unsay gisulti sa Balaod, kini gisulti ngadto kanila nga nailalom sa Balaod aron ang matag baba matak-om ug aron ang tibuok kalibotan mailalom sa paghukom sa Dios.

Roma 7:10

Ang maong kasugoan nga nagsaad ug kinabuhi namatud-an nga kamatayon alang kanako.

Mga Taga-Galacia 3:12

Apan ang Balaod wala magsukad sa pagtuo, kay “Siya nga nagbuhat niini mabuhi pinaagi niini.”

Deuteronomio 6:24

Ug ang Ginoo nagsugo kanamo sa pagbuhat niining tanang mga lagda, sa pagkahadlok sa Ginoo nga atong Dios, alang sa among kaayohan kanunay aron ipabilin kami niya nga buhi sama niining adlawa.