Lucas 10:20

Ang Biblia 2011

Apan ayaw kamo paglipay niini nga ang mga espiritu mipatuo kaninyo, ikalipay hinuon ninyo nga ang inyong mga ngalan nasulat sa kalangitan.”

Cross References

Salmo 69:28

Papasa sila gikan sa basahon sa kinabuhi, ug ayaw na sila ipalista uban sa mga matarong.

Exodo 32:32

Apan karon, kon imo untang pasayloon ang ilang sala, ug kon dili, papasa ako gikan sa imong basahon nga imong gisulat.”

Isaias 4:3

Ug siya nga nahibilin diha sa Zion ug nagpabilin diha sa Jerusalem tawgon nga balaan, ang tanan nga nalista uban sa mga buhi didto sa Jerusalem,

Jeremias 17:13

O Ginoo, ang paglaom sa Israel, ang tanan nga mobiya kanimo mahiagom sa kaulawan; kadtong mibiya kanimo isulti diha sa yuta, kay sila mibiya sa Ginoo, ang tuboran sa tubig nga buhi.

Ezequiel 13:9

Ang akong kamot mobatok sa mga propeta nga nakakita sa mga panan-awon nga bakak, ug nga nagtagnatagna diha sa kabakakan, sila dili mahiuban sa pundok sa akong katawhan o masulat diha sa listahan sa balay sa Israel o makasulod sa yuta sa Israel. Ug kamo makaila nga ako mao ang Ginoong Dios.

Daniel 12:1

“Nianang panahona si Michael motungha, ang dakong pangulo nga nagdumala sa imong katawhan. Moabot ang panahon sa kasamok nga wala pa gayod mahitabo sukad nga adunay usa ka nasod hangtod nianang panahona, apan nianang panahona luwason ang imong katawhan, ang tanan nga ang ngalan makita diha sa basahon.

Mateo 10:1

Unya gipaduol ni Jesus kaniya ang iyang napulo ug duha ka tinun-an ug gihatagan niya sila ug kagahom sa pagpagula sa mga hugaw nga espiritu ug sa pag-ayo sa tanang sakit ug sa tanang balatian.

Mateo 26:24

Mahitabo gayod sa Anak sa Tawo ang unsay nasulat mahitungod kaniya, apan alaot kadtong tawhana nga magbudhi sa Anak sa Tawo! Maayo pa lang unta alang niadtong tawo nga wala siya matawo.”

Mateo 27:5

Ug ang mga salapi nga plata iyang giitsa ngadto sa sulod sa Templo ug mibiya siya. Ug siya milakaw ug nagbitay sa iyang kaugalingon.

Mga Taga-Filipos 4:3

Naghangyo usab ako kaninyo akong matuod nga kaubang magbubuhat, tabangi ang maong mga babaye nga naghago uban kanako diha sa Maayong Balita uban kang Clemente ug sa uban nakong mga kaubang magbubuhat nga ang mga ngalan anaa sa basahon sa kinabuhi.

Mga Hebreo 12:23

sa kahugpongan ug katigoman sa mga panganay kinsang mga ngalan nasulat sa talaan didto sa langit, ug sa Dios nga maghuhukom sa tanan ug sa mga espiritu sa mga tawong matarong nga nangahimong hingpit

Gipadayag 13:8

Ug magsimba kaniya ang tanang nagpuyo sa kalibotan, silang tanan nga ang mga ngalan wala masulat sa basahon sa kinabuhi nga iya sa gipatay nga Nating Karnero, sa wala pa mahimo ang tanang butang.

Gipadayag 17:8

Ang bangis nga mananap nga imong nakita mao kaniadto, ug dili mao karon, ug mao ang mogula gikan sa kahiladman ug mopadulong sa pagkalaglag. Ug ang mga nagpuyo sa kalibotan nga ang mga ngalan wala masulat sa basahon sa kinabuhi sukad sa pagkatukod sa kalibotan, sila mahibulong sa pagkakita sa bangis nga mananap tungod kay kini mao man kaniadto, dili mao karon ug mao ang umaabot.

Gipadayag 20:12

Ug nakita nako ang mga nangamatay, mga dagko ug mga gagmay, nga nagtindog sa atubangan sa trono, ug dihay mga basahon nga gibukhad. May laing basahon usab nga gibukhad nga mao ang basahon sa kinabuhi. Ug ang mga nangamatay gipanghukman pinasikad sa nasulat diha sa mga basahon, sumala sa ilang mga binuhatan.

Gipadayag 20:15

Ug si bisan kinsa nga wala makaplagi nga nasulat diha sa basahon sa kinabuhi, siya itambog ngadto sa linaw nga kalayo.

Gipadayag 21:27

Apan dinhi niini walay bisan unsa nga hugaw nga pasudlon, ang naghimo ug mga dulumtanan o bakak, kondili sila lamang nga nasulat diha sa basahon sa kinabuhi nga iya sa Nating Karnero.

Gipadayag 3:5

Ang magmadaogon sul-oban ug mga bisti nga puti, ug ang iyang ngalan dili nako papason gikan sa basahon sa kinabuhi, hinuon akong ipahayag ang iyang ngalan sa atubangan sa akong Amahan ug sa atubangan sa iyang mga anghel.