Lucas 10:19

Ang Biblia 2011

Tan-awa, gihatagan ko kamo ug kagahom sa pagyatak sa mga bitin ug mga tanga ug ibabaw sa tanang gahom sa kaaway, ug walay makadaot kaninyo.

Cross References

2 Cronicas 10:11

Kon ang akong amahan nagpapas-an kaninyo ug bug-at nga yugo akong dugangan ang inyong yugo. Ang akong amahan nagkastigo kaninyo pinaagi sa mga latigo apan ako magkastigo kaninyo pinaagi sa mga tanga.’ ”

Salmo 91:13

Imong tumban ang liyon ug ang bitin nga malala; yatakan nimo ang batan-on nga liyon ug ang bitin.

Isaias 11:8

Ang mga bata nga masuso magdula ibabaw sa lungag sa halas, ug ang bata nga linutas mokuot sa puy-anan sa bitin.

Ezequiel 2:6

Ug ikaw, anak sa tawo, ayaw kahadlok kanila o mahadlok sa ilang mga pulong, bisan pa ug ang mga sampinit ug mga tunok naglibot kanimo ug ikaw maglingkod taliwala sa mga tanga, ayaw kahadlok sa ilang mga pulong o malisang sa ilang mga panagway, kay sila usa ka panimalay nga masupilon.

Marcos 16:18

kuptan nila ang mga bitin ug kon makainom sila ug bisan unsa nga makahilo, dili sila maunsa, tapin-an nila sa ilang mga kamot ang mga masakiton ug mangaayo sila.”

Lucas 11:12

o kon mangayo siya ug itlog, hatagan hinuon niya ug tanga?

Mga Buhat 28:5

Apan gisawilik niya ang bitin ngadto sa kalayo, ug siya wala maunsa.

Roma 16:20

Ug sa dili madugay ang Dios sa kalinaw magdugmok kang Satanas diha sa ilalom sa inyong mga tiil. Ang grasya sa atong Ginoong Jesu-Cristo mag-uban kaninyo.

Gipadayag 11:5

Ug kon may buot modagmal kanila, adunay kalayo nga mogula sa ilang baba ug mohurot sa ilang mga kaaway. Kon may buot modagmal kanila, sa ingon niining paagiha siya patyon.