Lucas 10:16

Ang Biblia 2011

“Ang namati kaninyo namati kanako, ug ang nagsalikway kaninyo nagsalikway kanako, ug ang nagsalikway kanako nagsalikway kaniya nga nagpadala kanako.”

Cross References

Exodo 16:7

Ug sa pagkabuntag, makita ninyo ang himaya sa Ginoo kay nadungog niya ang inyong mga pagbagulbol batok sa Ginoo. Kay unsa ba kami nga nagbagulbol man kamo batok kanamo?”

Exodo 16:8

Ug miingon si Moises, “Ang Ginoo maghatag kaninyo ug unod aron kaonon sa pagkagabii, ug sa pagkabuntag pan hangtod kamo mabusog, kay siya nakadungog man sa mga bagulbol nga batok kaniya. Unsa ba kami? Ang inyong mga pagbagulbol dili batok kanamo, kondili batok sa Ginoo.”

Malaquias 1:6

“Ang usa ka anak nagtahod sa iyang amahan ug ang usa ka sulugoon, sa iyang agalon. Kon ako usa ka amahan, hain man ang akong dungog? Ug kon ako usa ka agalon hain man ang kahadlok kanako? nag-ingon ang Ginoo sa mga panon kaninyo, O mga pari nga nagtamay sa akong ngalan. Kamo nag-ingon, ‘Giunsa namo pagbugalbugal ang imong ngalan?’

Numeros 14:11

Ug ang Ginoo miingon kang Moises, “Hangtod kanus-a ba nga magtamay kanako kining mga tawhana? Ug hangtod kanus-a ba nga sila dili motuo kanako bisan sa tanang mga ilhanan nga akong gibuhat sa taliwala nila?

Numeros 14:2

Ug ang tanang katawhan sa Israel nagbagulbol batok kang Moises ug batok kang Aaron, ug ang tibuok nga katilingban miingon kanila, “Maayo pa unta ug nangamatay kami didto sa yuta sa Ehipto! O maayo pa unta ug nangamatay kami niining kamingawan!

Numeros 16:11

Tungod niini, ikaw ug ang tanan nimong kaubanan naghiusa sa pagtigom batok sa Ginoo. Unsa ba si Aaron, nga nagbagulbol man kamo batok kaniya?”

Mateo 10:40

“Ang nagdawat kaninyo nagdawat kanako ug ang nagdawat kanako nagdawat sa nagpadala kanako.

Mateo 18:5

“Si bisan kinsa nga tungod sa akong ngalan nagdawat sa usa ka gamayng bata nga sama niini, nagdawat kanako.

Marcos 9:37

“Si bisan kinsa nga nagdawat sa usa ka bata nga sama niini tungod sa akong ngalan, nagdawat kanako ug si bisan kinsa nga nagdawat kanako, wala magdawat kanako kondili kaniya nga nagpadala kanako.”

Lucas 9:48

Ug miingon siya kanila, “Si bisan kinsa nga nagdawat niining bata tungod sa akong ngalan nagdawat kanako, ug si bisan kinsa nga nagdawat kanako, nagdawat kaniya nga nagpadala kanako; kay ang labing ubos kaninyong tanan mao ang labing dako.”

Juan 12:44

Unya si Jesus misinggit ug miingon, “Siya nga nagtuo kanako nagtuo dili kanako kondili kaniya nga nagpadala kanako.

Juan 12:48

Ang magsalikway kanako ug dili modawat sa akong mga pulong adunay maghuhukom. Ang pulong nga akong gikasulti mao unya ang maghukom kaniya sa kaulahian nga adlaw.

Juan 13:20

Sa pagkatinuod gayod, sultihan ko kamo nga ang nagdawat kang bisan kinsa nga akong ipadala magdawat kanako ug ang modawat kanako magdawat kaniya nga nagpadala kanako.”

Mga Buhat 5:4

Sa wala pa kini ikabaligya, dili ba imo man kining kaugalingon? Ug human kini ikabaligya, dili ba imo man ang pagbuot niini? Naunsa ba nga nasulod man sa imong kasingkasing kining buhata? Wala ikaw mamakak sa tawo kondili sa Dios.”

Mga Taga-Galacia 4:14

Gani bisan ug ang kahimtang sa akong lawas usa ka pagsulay alang kaninyo wala ako ninyo isalikway hinuon gidawat ako ninyo ingon nga usa ka anghel sa Dios, ingon nga si Cristo Jesus gayod.

1 Mga Taga-Tesalonica 4:8

Busa bisan kinsa nga mosalikway niini, wala magsalikway sa tawo kondili sa Dios nga naghatag usab sa iyang Espiritu Santo nganha kaninyo.