Lucas 10:11

Ang Biblia 2011

‘Bisan pa ang abog sa inyong lungsod nga mitapot sa among mga tiil, kini among paphaon batok kaninyo. Apan hibaloi kini, nga ang gingharian sa Dios nagkaduol na.”

Cross References

Ezequiel 2:5

Mamati man sila o dili, kay sila usa man ka panimalay nga masupilon, sila mahibalo nga adunay usa ka propeta sa ilang taliwala.

Mateo 10:14

Kon kamo dili dawaton ni bisan kinsa ug dili pamation ang inyong mga pulong, itaktak ang mga abog gikan sa inyong mga tiil sa pagbiya ninyo sa maong balay o lungsod.

Mateo 10:7

Ug samtang manglakaw kamo, pagwali kamo nga mag-ingon, ‘Ang gingharian sa langit nagkaduol na.’

Mateo 3:2

“Paghinulsol kamo, kay ang gingharian sa langit nagkaduol na.”

Marcos 6:11

Kon sa bisan diing dapit kamo dili dawaton ug dili pamation, inigbiya ninyo, itaktak ang mga abog nga anaa sa inyong mga tiil ingon nga pasidaan batok kanila.”

Lucas 10:10

Apan sa diha nga mosulod kamo sa usa ka lungsod ug sila dili modawat kaninyo, adto kamo sa kadalanan niini ug ingna ninyo,

Lucas 10:9

Ayoha ninyo ang mga masakiton didto ug ingna sila, ‘Ang gingharian sa Dios nagkaduol na kaninyo.’

Lucas 9:5

Ug bisan diin nga dili kamo dawaton, sa inyong pagpahawa sa maong lungsod, itaktak ang abog sa inyong mga tiil agig pagpamatuod batok kanila.”

Mga Buhat 13:26

“Mga igsoon, mga anak sa kaliwatan ni Abraham ug kamo nga mga mahadlokon sa Dios, nganhi kanato gipadala ang mensahe niining maong kaluwasan.

Mga Buhat 13:40

Busa, pagbantay kamo basin ug modangat ang giingon diha sa basahon sa mga propeta,

Mga Buhat 13:46

Unya si Pablo ug si Bernabe maisogong misulti nga nag-ingon, “Kinahanglan gayod nga ang pulong sa Dios isugilon pag-una kaninyo. Apan kay inyo man kining gisalikway ug gihukman ang inyong kaugalingon nga dili takos sa kinabuhing dayon, tan-awa, moadto kami sa mga Gentil.

Mga Buhat 13:51

Apan ilang gitaktak ang mga abog gikan sa ilang mga tiil batok kanila ug miadto sila sa Iconio.

Roma 10:21

Apan mahitungod kang Israel siya miingon, “Sa tibuok adlaw gituy-od nako ang akong mga kamot ngadto sa katawhan nga masupilon ug masinupakon.”

Roma 10:8

Apan unsa may giingon niini? Ang pulong duol kanimo, anaa ra sa imong baba ug sa imong kasingkasing (nga sa ato pa, ang pulong sa pagtuo nga among giwali).

Mga Hebreo 1:3

Siya ang dan-ag sa himaya sa Dios ug tukma nga hulagway sa iyang kinaiya, nagsapnay sa tanang mga butang pinaagi sa gamhanan nga pagpamulong niya. Sa nahimo na niya ang paghinlo sa mga sala, siya milingkod sa tuo sa Halangdon sa kahitas-an,