Lucas 10:1

Ang Biblia 2011

Human niini ang Ginoo nagpili ug lain pang kapitoan, ug gisugo sila sa pag-una kaniya nga nagtinagurha ngadto sa tanang lungsod ug dapit nga iyang adtoon.

Cross References

Ezequiel 8:11

Ug sa atubangan niini nagtindog ang 70 ka tawo sa mga kadagkoan sa balay sa Israel, ug sa taliwala nila nagtindog si Jaasanias nga anak ni Safan. Ang matag tawo may sudlanan sa insenso diha sa iyang kamot ug ang humot nga panganod sa insenso miutbo.

Numeros 11:16

Unya ang Ginoo miingon kang Moises, “Tigoma alang kanako ang 70 ka lalaki sa mga kadagkoan sa Israel nga imong nahibaloan nga mga pangulo gayod sa katawhan ug nangatungdanan ibabaw kanila, ug dad-a sila ngadto sa tolda nga tagboanan, ug patindoga sila didto uban kanimo.

Lucas 1:17

ug siya mag-una kaniya diha sa espiritu ug sa gahom ni Elias, aron sa pagliso sa mga kasingkasing sa mga amahan balik ngadto sa mga anak, ug sa mga masinupakon ngadto sa kaalam sa mga matarong, aron sa pagtagana alang sa Ginoo ug usa ka inandam nga katawhan.”

Lucas 1:76

Ug ikaw, anak, tawgon nga propeta sa Labing Halangdon kay ikaw mao man ang mag-una sa Ginoo aron pag-andam sa iyang mga dalan,

Lucas 7:13

Sa pagkakita sa Ginoo sa biyuda, siya naluoy kaniya ug miingon kaniya, “Ayaw na paghilak.”

Lucas 7:19

Ug si Juan, sa natawag niya ang duha sa iyang mga tinun-an, misugo kanila ngadto sa Ginoo sa pag-ingon, “Ikaw ba kadtong moanhi, o magpaabot pa kami ug lain?”

Lucas 9:52

Ug nagpadala siya ug mga mensahero una kaniya nga miadto ug misulod sa usa ka balangay sa mga Samarianhon aron sa pagpangandam alang kaniya.