Lucas 1:76

Ang Biblia 2011

Ug ikaw, anak, tawgon nga propeta sa Labing Halangdon kay ikaw mao man ang mag-una sa Ginoo aron pag-andam sa iyang mga dalan,

Cross References

Salmo 87:5

Ug mahitungod sa Zion isulti kini, “Kini siya ug kadto siya natawo diha kaniya”; kay ang Labing Halangdon gayod mao ang maglig-on kaniya.

Malaquias 3:1

“Tan-awa, ako magpadala sa akong sinugo, aron sa pag-andam sa dalan una kanako, ug sa kalit ang Ginoo nga inyong gipangita moabot sa iyang Templo; ang sinugo sa kasabotan nga inyong gikahimut-an, siya moabot na, nag-ingon ang Ginoo sa mga panon.

Malaquias 4:5

“Tan-awa, akong ipadala kaninyo si Elias nga propeta sa dili pa moabot ang dako ug makalilisang nga adlaw sa Ginoo.

Mateo 14:5

Ug buot unta niyang patyon si Juan, apan nahadlok siya sa katawhan kay siya ila mang giila nga propeta.

Mateo 21:26

Ug kon moingon kita, ‘Gikan sa tawo,’ nahadlok kita sa katawhan kay ang tanan miila man nga si Juan propeta.”

Mateo 3:11

“Ako nagbautismo kaninyo sa tubig alang sa paghinulsol apan siya nga moanhi sunod kanako gamhanan pa kay kanako nga bisan gani sa iyang mga sandalyas dili ako takos nga mobitbit. Siya magbautismo kaninyo sa Espiritu Santo ug kalayo.

Mateo 3:3

Kay kini siya mao ang gihisgotan sa propeta nga si Isaias nga nag-ingon, “Ang tingog sa nagsinggit didto sa kamingawan: Andama ninyo ang dalan alang sa Ginoo, tul-ira ninyo ang iyang mga agianan.”

Marcos 11:32

Apan kon moingon kita, ‘Gikan sa mga tawo’?” nahadlok sila sa mga tawo kay ang tanan miila man nga si Juan tinuod nga propeta.

Lucas 1:32

Mahimo siyang bantogan ug tawgon nga Anak sa Labing Halangdon, ug ihatag kaniya sa Ginoong Dios ang trono ni David nga iyang amahan,

Lucas 1:35

Ang anghel mitubag kaniya, “Ang Espiritu Santo mokunsad kanimo ug ang gahom sa Labing Halangdon molandong kanimo. Tungod niini, ang balaang bata nga matawo tawgon nga Anak sa Dios.

Lucas 6:35

Apan higugmaa ang inyong mga kaaway ug buhata ang maayo ug pahulam sa walay pagpaabot ug bisan unsa, ug dako unya ang inyong ganti, ug kamo mahimong mga anak sa Labing Halangdon kay siya maluluy-on man bisan sa mga tawong dili mapasalamaton ug sa mga daotan.

Juan 1:23

Siya miingon, “Ako mao ang tingog sa nagsinggit diha sa kamingawan, ‘Tul-ira ninyo ang agianan sa Ginoo,’ sumala sa giingon ni Isaias nga propeta.”

Juan 1:27

siya nga moanhi sunod kanako, nga bisan sa higot sa iyang sandalyas dili ako takos sa paghubad.”

Juan 3:28

Kamo gayod saksi sa akong pag-ingon, nga ako dili mao ang Cristo, kondili gipadala ako una kaniya.

Mga Buhat 16:17

Misunod siya kang Pablo ug kanamo nga nagsinggit, “Kining mga tawhana mga sulugoon sa Labing Halangdong Dios, nagsangyaw kaninyo sa dalan sa kaluwasan.”