Lucas 1:70

Ang Biblia 2011

sumala sa iyang gisulti pinaagi sa baba sa iyang mga balaang propeta sukad sa karaang panahon,

Cross References

Genesis 12:3

Panalanginan nako ang nagpanalangin kanimo ug ang nagtunglo kanimo tunglohon usab nako ug pinaagi kanimo panalanginan ang tanang kabanayan sa yuta.”

Genesis 3:15

Ug ibutang nako ang panag-away tali kanimo ug sa babaye ug tali sa imong kaliwat ug sa iyang kaliwat; siya magsamad sa imong ulo, ug ikaw magsamad sa iyang tikod.”

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

2 Samuel 23:2

“Ang Espiritu sa Ginoo nagsulti pinaagi kanako, ang iyang pulong anaa sa akong dila.

Jeremias 23:5

“Ang mga adlaw nagsingabot gayod, nag-ingon ang Ginoo, nga ako magpatindog alang kang David ug usa ka matarong nga Sanga, ug siya magmando ingon nga hari ug magdumala nga maalamon ug magpahamtang sa hustisya ug pagkamatarong dinhi sa yuta.

Jeremias 30:10

“Busa ayaw kahadlok, O Jacob nga akong alagad, nag-ingon ang Ginoo, ayaw kalisang, O Israel; kay tan-awa, luwason nako ikaw gikan sa layo, ug ang imong kaliwatan gikan sa yuta sa ilang pagkabihag. Si Jacob mobalik ug makabaton ug kalinaw ug kahusay, ug walay maghadlok kaniya.

Marcos 12:36

Si David gayod, pinaagi sa Espiritu Santo, mao ang nag-ingon, ‘Ang Ginoo miingon sa akong Ginoo, Lingkod sa akong tuo, hangtod nga ibutang nako ang imong mga kaaway sa ilalom sa imong mga tiil.’

Lucas 24:44

Unya miingon siya kanila, “Kini mao ang akong mga pulong nga gisulti nako kaninyo sa kauban pa ako ninyo, nga ang tanang nasulat mahitungod kanako diha sa Balaod ni Moises ug sa mga Propeta ug sa mga Salmo kinahanglan gayod nga matuman.”

Mga Buhat 28:25

Ug kay wala man sila magkauyon, sila namauli human si Pablo makasulti ug usa ka pahayag nga nag-ingon, “Tukma gayod ang gisulti sa Espiritu Santo ngadto sa inyong mga katigulangan pinaagi kang Isaias nga propeta,

Roma 1:2

nga kaniadto iyang gisaad pinaagi sa iyang mga propeta diha sa balaang kasulatan,

Mga Hebreo 3:7

Busa ingon sa gisulti sa Espiritu Santo, “Karong adlawa, inigkadungog ninyo sa iyang tingog,

1 Pedro 1:12

Kanila gipadayag kini, nga sila wala mag-alagad alang sa ilang kaugalingon, kondili alang kaninyo diha sa mga butang nga karon gipahibalo na kaninyo pinaagi kanila nga nagsangyaw sa Maayong Balita, pinaagi sa Espiritu Santo nga gipadala gikan sa langit, ang mga butang nga ang mga anghel nangandoy sa pagsud-ong.

2 Pedro 1:21

tungod kay walay propesiya nga miabot pinaagi sa kabubut-on sa tawo apan minandoan sa Espiritu Santo, ang mga tawo nagsulti gikan sa Dios.

2 Pedro 3:2

nga kinahanglang inyong hinumdoman ang mga pulong sa balaang mga propeta ug ang kasugoan nga gihatag sa Ginoo ug Manluluwas pinaagi sa inyong mga apostoles.

Gipadayag 19:10

Unya mihapa ako sa iyang tiilan aron unta sa pagsimba kaniya, apan siya miingon kanako, “Ayaw kana buhata! Ako usa lamang ka sulugoon nga kauban nimo ug sa imong kaigsoonan nga naghupot sa pagpamatuod mahitungod kang Jesus. Maoy simbaha ang Dios. Kay ang pagpamatuod mahitungod kang Jesus mao man ang espiritu sa propesiya.”