Lucas 1:65

Ang Biblia 2011

Ug ang tanan nilang mga silingan giabot ug kahadlok. Kining tanang mga butanga gipanagsultihan didto sa tibuok kabukiran sa Judea,

Cross References

Mateo 2:1

Niadtong tungora sa natawo na si Jesus didto sa Betlehem sa Judea sa panahon ni Herodes nga hari, dihay mga mago gikan sa Sidlakan nga miabot sa Jerusalem, ug nangutana,

Lucas 1:39

Niadtong mga adlawa nangandam si Maria ug midali pag-adto sa kabungtoran, sa usa ka lungsod sa Juda,

Lucas 2:18

ug ang tanang nakadungog niini nahibulong sa gisulti kanila sa mga tigbantay sa mga karnero.

Lucas 5:26

Nahibulong pag-ayo silang tanan ug nagdayeg sila sa Dios ug napuno sa kahadlok, nga nag-ingon, “Atong nakita ang mga katingalahang butang karong adlawa.”

Lucas 7:16

Silang tanan nahadlok pag-ayo ug ilang gidayeg ang Dios nga nag-ingon, “Usa ka bantogang propeta ang mitungha sa atong taliwala!” ug, “Ang Dios miduaw sa iyang katawhan!”

Mga Buhat 19:17

Ug kini nahibaloan sa tanang nagpuyo sa Efeso, mga Judio ug mga Grego, ug silang tanan giabot ug kahadlok ug gipasidunggan ang ngalan sa Ginoong Jesus.

Mga Buhat 2:43

Unya ang tanang tawo giabot ug kahadlok ug pinaagi sa mga apostoles nahimo ang daghang mga kahibulongan ug mga ilhanan.

Mga Buhat 5:11

Ug giabot ug dakong kahadlok ang tibuok iglesia ug ang tanan nakadungog niining mga butanga.

Mga Buhat 5:5

Sa pagkadungog ni Ananias niining mga pulonga, siya natumba ug namatay. Ug giabot ug dakong kahadlok ang tanang nakadungog niini.

Josue 10:40

Busa gibuntog ni Josue ang tibuok nga yuta, ang kabungtoran ug ang Negeb ug ang kapatagan ug ang kawalogan ug ang tanan nilang mga hari. Walay gibilin niya kondili gilaglag gayod sa hingpit ang tanan nga nagginhawa, sumala sa gisugo sa Ginoo, ang Dios sa Israel.

Josue 10:6

Ug ang mga tawo sa Gibeon nagpasugo ngadto kang Josue, sa kampo sa Gilgal, nga nag-ingon, “Ayaw ipalayo ang imong kamot gikan sa imong mga ulipon, ngari dayon kanamo ug luwasa kami ug tabangi kami kay ang tanang hari sa mga Amorihanon nga nagpuyo sa mga kabungtoran nagtigom batok kanamo.”

Gipadayag 11:11

Apan human sa maong tulo ka adlaw ug tunga, usa ka gininhawa sa kinabuhi gikan sa Dios misulod kanila, ug sila nanindog ug ang mga nakakita kanila giabot ug dakong kalisang.