Lucas 1:6

Ang Biblia 2011

Silang duha matarong atubangan sa Dios, nagsubay sa tanang kasugoan ug kalagdaan sa Ginoo, walay ikasaway kanila.

Cross References

Genesis 17:1

Sa dihang 99 na ang panuigon ni Abram, ang Ginoo, nagpakita kaniya ug miingon, “Ako mao ang Dios nga Labing Gamhanan, pagkinabuhi nga dili masaway sa akong atubangan.

Genesis 6:9

Kini mao ang mga kaliwat ni Noe. Si Noe usa ka tawo nga matarong ug dili masaway sa iyang panahon. Si Noe nagkinabuhi uban sa Dios.

Genesis 7:1

Unya ang Ginoo miingon kang Noe, “Sulod ngadto sa arka, ikaw ug ang tibuok nimong banay kay nakita nako nga ikaw matarong sa akong atubangan niining maong kaliwatan.

1 Mga Hari 15:5

tungod kay si David naghimo sa matarong diha sa mga mata sa Ginoo ug wala magsalikway sa bisan unsang butang nga iyang gisugo kaniya sa tanang mga adlaw sa iyang kinabuhi, gawas lamang sa butang mahitungod kang Uria nga Hitihanon.

1 Mga Hari 9:4

Ug mahitungod kanimo, kon ikaw maglakaw sa akong atubangan, ingon nga si David nga imong amahan naglakaw, uban ang kaligdong ug katarong sa pagbuhat sa tanan nakong gisugo kanimo, ug magtuman sa akong mga lagda ug sa akong mga tulumanon,

2 Mga Hari 20:3

“Hinumdomi karon, O Ginoo, ako nangamuyo kanimo, giunsa nako paglakaw nga matinud-anon diha sa imong atubangan ug uban sa tibuok nako nga kasingkasing, ug nagbuhat sa maayo diha sa imong panan-aw.” Ug si Hesekias mihilak sa hilabihan.

2 Cronicas 17:4

kondili nangita sa Dios sa iyang amahan ug nagsubay sa iyang mga sugo ug dili sumala sa mga pamaagi sa Israel.

Job 1:1

Dihay usa ka tawo sa yuta sa Uz nga Job ang ngalan. Kining tawhana hingpit ug matarong, mahadlokon sa Dios ug naglikay sa daotan.

Job 1:8

Ang Ginoo miingon kang Satanas, “Nahunahunaan ba nimo si Job nga akong sulugoon nga walay sama kaniya diha sa yuta, walay ikasaway ug matarong nga tawo, mahadlokon sa Dios ug naglikay sa daotan?”

Job 9:2

“Sa pagkatinuod ako nasayod nga kini mao; apan unsaon sa tawo aron mahimong matarong sa atubangan sa Dios?

Salmo 119:6

Unya dili na ako maulawan, kay gitutok man nako ang akong mga mata sa tanan nimong mga sugo.

Lucas 1:7

Apan wala silay anak kay si Elisabet dili man makaanak, ug silang duha mga tigulang na.

Lucas 16:15

Apan si Jesus miingon kanila, “Kamo mao ang mga nagpakamatarong sa inyong kaugalingon sa atubangan sa mga tawo, apan ang Dios nahibalo sa inyong mga kasingkasing kay ang gipakahalangdon sa mga tawo dulumtanan man sa atubangan sa Dios.

Lucas 2:25

Unya didtoy usa ka tawo sa Jerusalem nga ginganlan ug Simeon. Kining tawhana matarong ug may kahadlok sa Dios, nagtinguha sa kalipay sa Israel ug ang Espiritu Santo diha kaniya.

Mga Buhat 2:25

Kay mahitungod kaniya, si David nag-ingon: ‘Ang Ginoo nakita nako kanunay sa atubangan ko, kay siya ania sa akong tuo aron dili ako matarog,

Mga Buhat 23:1

Ug si Pablo, samtang nagtutok sa Sanhedrin miingon, “Mga igsoon, sa atubangan sa Dios nagkinabuhi ako diha sa hinlo gayod nga tanlag hangtod niining adlawa.”

Mga Buhat 24:16

Busa kanunay nako nga gipaningkamotan ang pagbaton ug hinlo nga tanlag ngadto sa Dios ug sa mga tawo.

Mga Buhat 8:21

Ikaw walay bahin o luna niining butanga kay ang imong kasingkasing dili matarong sa atubangan sa Dios.

Roma 8:4

aron nga ang matarong nga gimbut-an sa Balaod matuman diha kanato nga wala magkinabuhi sumala sa unod kondili sumala sa Espiritu.

1 Mga Taga-Corinto 11:2

Gidayeg ko kamo tungod sa inyong paghinumdom kanako sa tanang paagi ug sa paghupot sa gikabiling mga pagtulun-an ingon sa akong pagbilin kaninyo.

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

Deuteronomio 5:33

Lakaw kamo diha sa tanang dalan nga gisugo kaninyo sa Ginoo nga inyong Dios, aron mabuhi kamo ug mamaayo ang inyong kahimtang, ug aron mabuhi kamo ug dugay didto sa yuta nga inyong mapanag-iya.

Mga Taga-Filipos 2:15

aron mahimo kamong putli ug dili masaway, mga anak sa Dios nga walay buling taliwala sa usa ka hiwi ug sukihan nga kaliwatan, nga sa taliwala nila kamo magsidlak ingon nga mga kahayag dinhi sa kalibotan,

Mga Taga-Colosas 1:22

karon iya nang napasig-uli ngadto kaniya diha sa iyang lawas nga unodnon pinaagi sa iyang kamatayon, aron iya kamong ikapaatubang nga balaan ug putli ug walay ikasaway diha sa iyang atubangan,

1 Mga Taga-Tesalonica 3:13

aron iyang mapalig-on ang inyong mga kasingkasing aron dili masaway diha sa kabalaan sa atubangan sa atong Dios ug Amahan inig-abot unya sa atong Ginoong Jesus uban sa tanan niyang mga balaan.

2 Pedro 3:14

Busa mga hinigugma, kay nagpaabot man kamo niining mga butanga, paningkamoti gayod nga makaplagan kamo diha sa kalinaw, walay buling o hugaw.

1 Juan 2:29

Kon kamo nahibalo nga siya matarong, masayran usab ninyo nga ang tanang nagbuhat ug matarong gipanganak gikan kaniya.

1 Juan 2:3

Ug pinaagi niini kita nahibalo nga kita nakaila kaniya, kon kita nagtuman sa iyang kasugoan.

1 Juan 3:7

Mga anak, kinahanglan nga walay magpahisalaag kaninyo. Ang nagbuhat ug pagkamatarong matarong ingon nga siya matarong.