Lucas 1:58

Ang Biblia 2011

Ang iyang mga silingan ug kabanayan nakadungog nga ang Ginoo nagpakita ug dakong kaluoy kaniya, ug sila nalipay duyog kaniya.

Cross References

Genesis 19:19

Tan-awa, ang imong ulipon nakapahimuot sa imong mga mata, ug gipakita nimo ang dakong kaluoy ngari kanako sa pagluwas sa akong kinabuhi, apan dili ako makapahilayo ngadto sa kabukiran, kay tingali unya ug maapsan ako sa katalagman ug mamatay ako.

Genesis 21:6

Ug si Sarah miingon, “Ang Dios nagpakatawa kanako aron ang tanan nga makadungog magkatawa uban kanako.”

Salmo 113:9

Ang babaye nga dili manganak gihatagan niya ug panimalay, naghimo kaniya nga malipayon nga inahan sa mga anak. Dayega ang Ginoo!

Mga Panultihon 23:25

Himoa nga malipay ang imong amahan ug ang imong inahan, himoa nga siya nga nanganak kanimo magmalipayon.

Lucas 1:14

Ug ikaw makaangkon ug kalipay ug kamaya, ug daghan ang malipay sa iyang pagkatawo;

Lucas 1:25

“Mao kini ang gibuhat sa Ginoo kanako sa mga adlaw sa iyang pagtabang kanako aron sa pagkuha sa akong pagkatinamay taliwala sa mga tawo.”

Lucas 1:57

Unya miabot ang panahon sa pagpanganak na ni Elisabet, ug siya nanganak ug usa ka bata nga lalaki.

Lucas 14:12

Ug siya miingon usab sa tawo nga nagdapit kaniya, “Sa dihang maghatag ikaw ug dakong paniudto o panihapon, ayaw dapita ang imong mga higala o ang imong mga igsoon o ang imong mga kabanay o ang mga dato nga silingan, basin ug mobalos sila sa pagdapit kanimo ug unya mabalosan ka.

Roma 12:15

Paglipay kamo duyog sa mga nalipay, hilak duyog sa mga nanghilak.

1 Mga Taga-Corinto 12:26

Kon ang usa ka bahin mag-antos, ang tanan magdungan sa pag-antos; kon ang usa ka bahin pasidunggan, ang tanan magdungan sa paglipay.