Lucas 1:42

Ang Biblia 2011

Unya sa kusog nga tingog misinggit siya, “Dalaygon ikaw sa mga kababayen-an, ug dalaygon ang bunga sa imong tiyan!

Cross References

Genesis 22:18

Ug pinaagi sa imong kaliwat ang tanang nasod sa yuta magpanalangin sa ilang kaugalingon kay gituman man nimo ang akong tingog.”

Salmo 21:6

Gihimo nimo siya nga labing bulahan hangtod sa kahangtoran; gihimo nimo siyang malipayon sa kalipay sa imong presensiya.

Salmo 45:2

Ikaw ang labing ambongan sa mga anak sa mga tawo; ang grasya gibubo diha sa imong mga ngabil, busa ang Dios nagpanalangin kanimo hangtod sa kahangtoran.

Lucas 1:28

Ug ang anghel miadto kaniya ug miingon, “Maglipay ka, ikaw nga gipanalanginan, ang Ginoo uban kanimo!”

Lucas 1:41

Sa pagkadungog ni Elisabet sa pangumosta ni Maria, ang bata misikad sulod sa iyang tiyan ug si Elisabet napuno sa Espiritu Santo.

Lucas 1:43

Nganong nahitabo man kini kanako nga ako giduaw sa inahan sa akong Ginoo?

Lucas 1:48

kay siya nagtagad man sa ubos nga kahimtang niining iyang sulugoon. Kay tan-awa, sukad karon ang tanang kaliwatan magtawag kanako nga bulahan,

Lucas 19:38

Sila nag-ingon, “Dalaygon ang Hari nga mianhi sa ngalan sa Ginoo! Kalinaw sa langit ug himaya sa kahitas-an!”

Roma 9:5

ila ang mga patriarka ug gikan kanila ang Cristo sumala sa unod. Ang Dios nga labaw sa tanan dalaygon hangtod sa kahangtoran. Amen.

Mga Hebreo 12:2

nga magtutok kang Jesus, ang nagpasiugda ug ang mohingpit sa atong pagtuo. Tungod sa kalipay nga gibutang sa iyang atubangan, giantos niya ang krus sa walay pagsapayan sa kaulaw niini ug karon naglingkod siya diha sa tuo sa trono sa Dios.

Mga Maghuhukom 5:24

“Mahimong labing bulahan sa tanang mga babaye si Jael, ang asawa ni Heber nga Kenihanon, labing bulahan sa mga babaye nga nagpuyo sa mga tolda.