Lucas 1:3

Ang Biblia 2011

ug kay nasubay man nako pag-ayo ang tanan sukad sa sinugdan, giisip nako nga daw maayo usab alang kanako ang pagsulat kanimo sa usa ka maayong pagkahan-ay nga kasaysayan, O labing halangdon nga Teofilo,

Cross References

Salmo 40:5

Imong gipadaghan, O Ginoo nga akong Dios, ang mga katingalahan nimong buhat ug ang imong mga hunahuna ngari kanamo; walay ikatandi kanimo. Kon ako magpahayag ug magsulti tungod kanila, daghan pa sila kay sa maihap.

Salmo 50:21

Kining mga butanga imong gibuhat, ug ako nagpakahilom; naghunahuna ikaw nga ako sama kanimo. Apan karon badlongon ko ikaw, ug ibutang nako kining mga butanga sa imong atubangan.

Mga Panultihon 22:21

aron sa pagpakita kanimo unsay husto ug matuod, aron ikaw maghatag ug matuod nga tubag ngadto sa nagpadala kanimo?

Ecclesiastes 12:9

Gawas sa pagkamaalamon, ang Magwawali nagtudlo usab sa katawhan ug kahibalo, nagsusi ug nagtuon ug naghan-ay sa mga panultihon nga maampingon.

Lucas 1:1

Daghan ang nangako sa paghatag ug hinan-ay nga saysay mahitungod sa mga butang nga nahitabo sa taliwala namo,

Mga Buhat 1:1

Sa una nakong basahon, O Teofilo, naghisgot ako mahitungod sa tanang butang nga gisugdan ni Jesus sa pagbuhat ug pagtudlo,

Mga Buhat 11:4

Apan si Pedro misugod sa pagpasabot nga hinan-ay ngadto kanila,

Mga Buhat 15:19

Busa ang akong hukom mao kini, nga dili nato hasolon silang mga Gentil nga nakabig ngadto sa Dios,

Mga Buhat 15:25

Maoy among hunahuna ingon nga nagkahiusa ang pagpili ug mga tawo nga paanhaon kaninyo uban sa atong mga minahal nga Bernabe ug Pablo,

Mga Buhat 15:28

Kay giisip sa Espiritu Santo ug namo nga dili maayo ang pagsangon kaninyo ug palas-anon nga bug-at pa kay niining mga butang nga gikinahanglan:

Mga Buhat 18:23

Human makapabilin didto ug igo nga panahon, siya migikan ug miadto sa tanang dapit sa tibuok kayutaan sa Galacia ug Frigia, naglig-on sa tanang mga tinun-an.

Mga Buhat 23:26

“Si Claudio Lisias ngadto sa Halangdong Gobernador Felix, kumosta!

Mga Buhat 24:3

sa tanang paagi ug sa bisan diin, Labing Halangdong Felix, among gidawat kini uban sa tanan nga pagkamapasalamaton.

Mga Buhat 26:25

Apan si Pablo miingon, “Wala ako magsalimoang, labing halangdong Festo, hinuon nagsulti ako sa mga pulong nga maayo ug tinuod.

1 Mga Taga-Corinto 16:12

Mahitungod sa atong igsoon nga si Apolos, gihangyo nako siya pag-ayo sa pagduaw kaninyo kuyog sa ubang mga igsoon, apan siya walay tinguha sa paghimo niini karon. Moanha ra unya siya kon makabaton siya ug higayon.

1 Mga Taga-Corinto 7:40

Apan labaw pa siyang malipayon kon magpabilin siya sa iyang kahimtang sumala sa akong hunahuna, ug ako nagtuo nga ako usab nakabaton sa Espiritu sa Dios.

1 Timoteo 4:6

Kon kining mga butanga imong itudlo sa mga igsoon, ikaw mahimong maayong alagad ni Cristo Jesus, gimatuto sa mga pulong sa pagtuo ug sa maayong pagtulun-an nga imong gisunod.