Lucas 1:18

Ang Biblia 2011

Unya si Zacarias miingon sa anghel, “Unsaon man nako pagkahibalo nga mahimo kini? Kay ako tigulang na ug ang akong asawa tigulang na usab.”

Cross References

Genesis 15:8

Apan siya miingon, “O Ginoong Dios, unsaon man nako pagkasayod nga maako kini?”

Genesis 17:17

Unya si Abraham mihapa sa yuta ug mikatawa, ug miingon sa iyang kaugalingon, “Sa lalaki nga usa na ka gatos ka tuig, matawo pa ba ang usa ka anak? Ug si Sarah nga 90 na ka tuig, manganak pa ba?”

Genesis 18:12

Busa mikatawa si Sarah sa iyang kaugalingon nga nag-ingon, “Karon na hinuon nga ako tigulang na, ug ang akong bana tigulang na usab, aduna pa ba akoy kalipay?”

2 Mga Hari 7:2

Unya ang pangulo nga maoy sinaligan sa hari miingon sa tawo sa Dios, “Kon ang Ginoo maghimo ug mga tamboanan sa langit, mahitabo kaha kining butanga?” Apan siya miingon, “Ikaw makakita niana sa imong mga mata, apan dili ikaw makakaon niana.”

Isaias 38:22

Si Hesekias miingon usab, “Unsa bay ilhanan nga ako mosaka ngadto sa balay sa Ginoo?”

Lucas 1:34

Ug si Maria miingon sa anghel, “Unsaon ba pagkahimo niini nga wala man akoy bana?”

Lucas 1:7

Apan wala silay anak kay si Elisabet dili man makaanak, ug silang duha mga tigulang na.

Roma 4:19

Wala siya maluya sa iyang pagtuo bisan sa iyang pagpamalandong mahitungod sa iyang lawas, nga daw patay na kay siya mga usa ka gatos na ka tuig o sa iyang pagpamalandong mahitungod sa pagkadili na manganak ni Sara.