Lucas 1:15

Ang Biblia 2011

kay siya mahimong bantogan sa atubangan sa Ginoo, dili siya moinom ug bino o isog nga ilimnon, ug siya mapuno sa Espiritu Santo, bisan sa diha pa siya sa tiyan sa iyang inahan.

Cross References

Genesis 12:2

Ug akong buhaton gikan kanimo ang usa ka dako nga nasod, ug ikaw panalanginan nako ug himoong bantogan ang imong ngalan, aron ikaw mahimo nga usa ka panalangin.

Genesis 48:19

Apan ang iyang amahan mibalibad, ug miingon, “Nahibalo ako niini, anak ko, nahibalo ako. Siya usab mahimong usa ka katawhan ug siya usab padaghanon apan ang iyang manghod nga lalaki mahimong dako kay kaniya ug ang iyang kaliwatan mahimong usa ka panon sa mga nasod.”

1 Cronicas 17:8

Ug ako nag-uban kanimo bisan diin ikaw miadto ug gipuo ang tanan nimong kaaway gikan sa imong atubangan. Himoon nakong bantogan ang imong ngalan sama sa ngalan sa mga bantogang tawo diha sa yuta.

1 Cronicas 29:12

Ang mga bahandi ug dungog naggikan kanimo ug ikaw naghari sa tanan. Diha sa imong kamot ang gahom ug kusog ug sa imong kamot mao ang pagpadako, ug ang paghatag ug kusog sa tanan.

Salmo 22:9

Apan ikaw mao ang nagkuha kanako gikan sa taguangkan; ikaw ang naghimo kanako nga masaligon diha sa mga suso sa akong inahan.

Jeremias 1:5

“Sa wala pa nako ikaw buhata diha sa taguangkan nakaila na ako kanimo, ug sa wala pa ikaw mahimugso gigahin ko na ikaw; gipili ko ikaw nga propeta ngadto sa kanasoran.”

Jeremias 35:6

Apan sila mitubag, “Dili kami manginom ug bino, kay ang among amahan nga si Jonadab nga anak ni Rekab nagsugo kanamo, ‘Ayaw kamo pag-inom ug bino, kamo o ang inyong mga anak nga lalaki, hangtod sa kahangtoran;

Levitico 10:9

“Ayaw pag-inom ug bino o isog nga ilimnon, ikaw ug ang imong mga anak nga lalaki uban kanimo sa dihang kamo mosulod sa tolda nga tagboanan aron kamo dili mamatay. Kini usa ka lagda hangtod sa kahangtoran sa tanan ninyong mga kaliwatan.

Zacarias 9:15

Ang Ginoo sa mga panon manalipod kanila ug lamyon nila ug tamakan ang mga tiglambuyog; ug imnom nila ang ilang dugo sama sa bino; ug sila mangapuno ingon sa mga panaksan, mahumod sama sa mga ngilit sa halaran.

Lucas 1:14

Ug ikaw makaangkon ug kalipay ug kamaya, ug daghan ang malipay sa iyang pagkatawo;

Lucas 7:28

Sultihan ko kamo, sa mga gipanganak ug babaye, walay labaw pa kay kang Juan; apan siya nga labing gamay diha sa gingharian sa Dios dako pa kay kaniya.”

Lucas 7:33

Kay si Juan nga Tigbautismo mianhi nga wala magkaon ug pan o mag-inom ug bino, ug miingon kamo, ‘Gidemonyohan siya.’

Juan 5:35

Si Juan usa ka suga nga nagsiga ug nagdan-ag, ug sulod sa usa ka panahon gikahimut-an ninyo ang pagkalipay diha sa iyang kahayag.

Mga Buhat 2:4

Ug silang tanan napuno sa Espiritu Santo ug misugod sa pagsulti sa laing mga pinulongan, sumala sa gipalitok kanila sa Espiritu.

Mga Taga-Galacia 1:15

Apan sa diha nga ang Dios, nga naggahin kanako sa diha pa ako sa tiyan sa akong inahan ug nagtawag kanako pinaagi sa iyang grasya, nahimuot

Mga Taga-Efeso 5:18

Ug ayaw kamo paghubog sa bino, kay kana maoy pagpatuyang; hinuon magpapuno kamo sa Espiritu.

Josue 3:7

Ang Ginoo miingon kang Josue, “Niining adlawa sugdan nako ang pagpasidungog kanimo diha sa panan-aw sa tibuok Israel aron sila mahibalo nga ingon nga ako nag-uban kang Moises, mag-uban usab ako kanimo.

Josue 4:14

Niadtong adlawa, ang Ginoo nagpasidungog kang Josue diha sa panan-aw sa tibuok Israel ug sila mitindog nga nangahadlok kang Josue, ingon nga sila nangahadlok kang Moises sa tanang adlaw sa iyang kinabuhi.